Pathien ringumna
3
1 An leh Juda mi ni chu a trangkai bikna iem a um a? Sertan khom chu a hlutna iem a um a? 2 Kong tinrêngah a hlâwk hle. A hlăwkna tak chu Pathien thuhai inkoltir an nina tak hi a nih. 3 An leh, threnkhatin lo ring ta nawhai sienla iem ni tang a ta? Anni ringnawna chun Pathien ringumna chu ieng khom ni loin a siem chuong am a nih? 4 Siem lo e! Mi tin khêlhlip vong nihai sien khom Pathien ruok chu indik zing a tih:“Ka chungthu i rĕl indik ie,
Demna ding hrim hrim i um nawh”
ti ziek ang khan.a
5 Sienkhom, ei fel nawna chu Pathien felzie suklang chieng zuoltu a ni si chun ieng am hril tang ei ta? Mihriem thukhawchang taka hrilin, Pathienin a lungsenna ei chunga a’n langtir hi a sukdik nawh ei ti dim a nih?
6 Ti lo e! Chuong chu lo ni ta sien, Pathienin iengtin am khawvel ro rêl thei a ta? 7 Annawleh, ka khêlhrilin Pathien indikzie a suklang zuol a, a sukropui zuol si chun, ieng dinga mi suola ngai ka la ni rop am a na? 8 Mi’n an mi hêk truma, “Thil thra a hung tlung theina dingin thil suol thawng ei tiu” tia ka hril lo hrim hrim hrila an mi’n tum ang khan ei ti ve el dim a ni? Chuong mihai chun thiem naw chang âwm hrim an nih.
Mi fel tu khom an um nawh
9 Annawleh eini Judahai hi ei thra chuong bik am a ni? Teu lo e! Judahai le Grikhai chu suol bawia um vong ei nih ti tuta hma khom khan ka hril ta chêu kha:
10 Tu khom mi fel tak hrim an um nawh,
Pakhat bêk khom an um nawh;
11 Tu khom a hre thiem hrim an um nawh,
Tu khom Pathien zong hrim an um nawh,
12 Naw tieng an pêt hmang vong a,
An lo khawlo zo tah a;
Tu khom thil thra thaw hrim an um nawh,
Pakhat bêk khom an um nawh;b
13 An hnuk chu thlàn inhong a na,
An leiin hlĕmna thu a hril a, Sam 5:9
An hmŭrin rûl tûr a pâi a, Sam 140:3
15 Thisen insuo di’n an ngal a zâng a,
16 An fena photah sietna le rinumna a tlung a,
18 An mit mengah Pathien trîna,
An nei hrim hrim nawh” Sam 36:1
ti ziek ang khan.
19 Dan thu chu Dan hnuoia umhai chunga hmang dinga hril a nih ti ei hriet; tu khomin suonlam an siem thei nawna ding le khawvel pumpui hi Pathien rorêlna hnuoia sie a ni vong theina dingin. 20 Chuleiin, Dan zawm thrat leia Pathien hmaa thiem chang phâk tu khom an um nawh. Dan chu ei suol thaw mi’n hriettirtu a nih.
Ringna leia thiemchangna
21 Tu ruok hin chu Dan le zawlneihai lo inhriettir tah angin, Dan hmang ngai loin Pathien felna chu suklangin a um tah a, 22 chu chu Isu Krista an ring leia a ringtu taphot kuoma Pathien felna suklanga um chu a nih. Tu ta ding khomin a danglam nawh. 23 Mi po poin thilsuol an thaw a, Pathien ropuina an chang thei ta si nawh. 24 Nisienlakhom, Pathien chun Isu Krista intlanna zarah a lunginsietna lei chauin chuong mihai chu a thlawnin thiem a’n changtir a, 25 Krista ngei chu a thisen ringtuhai ta dinga suol thupha chawina dingin a hung pĕk a. Chu chu Pathienin a felna a tar lang dan chu a nih. A dawtheina leiin tuta hmaa an thil suol thawhai chu hriet naw sak sak a thawpek a. 26 Ama chu mi indik a na, Isu ringtu chu thiem a’n changtir ngeizie sukchieng dingin tu lai huna hin thiem a mi’n changtir dan chu a hung suklang tah a ni hih.
27 Chuong an leh ieng am ei uongpui ding a um? Um lo e! Ieng leiin am? Dan zawm leiin maw? Ni lo e! Ringna leiin a ni lem. 28 Dan zawm lei chauh ni loin, ringna leiin mi’n thiem a chang ti thu chu ei pom tlat lem a nih. 29 Pathien chu Judahai Pathien chauh am a nih? Jentelhai Pathien khom a ni ve naw’m a nih? 30 Ni ve e! Pathien chu pakhat a na, sertanhai chu an ringna leiin thiem inchangtir a ta, sertan nawhai khom an ringna lei bokin thiem inchangtir a tih. 31 Anleh, ringna a poimaw ti lei ringotin Dan chu ieng khom ni loah ei siem el ding a ni? Teu lo e! Dan chu ei suknghet lem a nih.