1 KORINTH
Thuhma
1 Korinth hi Baibul pumpuia bu 46-na, bung 16 le chang 437 a sei a nih. Korinth khuo hi Grik mihai khawpui, Akaia Biela Rom sorkar hmunpui, longchawlna le sumdawngna hmun poimaw a na, mi hausa an tam a, insuong khom an insuong hle a, sakhaw chi hrang hrang bie an tam bakah nuhmei pasalna tieng an zauthau hlea hril a nih.
Hi khuoa hin Paulan kohran a’n din hnungin mi dangin an sir ve a, inchuktirna indik lo an put lut a. Chun, harna a tlung leiin Thlarau Thienghlim thilpek thuah nasa takin an buoi bok a, chuonghai lei chun kohranah inthrĕna a suok pha a. Chu bâkah, nuhmei-pasal chungthuah an che khawlo nasa a. An buoina chu ching fel dingin hi lekhathon hi Efesi khuoa inthokin A.D 55-56 vel khan a ziek a nih. Kohrana inthrĕna um hai, kohran mihai laia nuhmei-pasalna an hmang khawlo thu hai, innei thu hai, sie le thra hrietna inthieng puta um dan ding hai, kohran inkhawm invong dan ding hai, Thlarau Thienghlim thilpek hai, Lalpa zan bu kîl dan indik hai, thonawkna thu hai, kristienhai um dan ding hai chieng takin a kawkhmu a nih.
Bung 13-a hin Pathien thilpek ropui tak chu hmangaina a ni thu a tar lang a, Baibul sunga thu inlâr tak laia mi a nih.
A thu tlangpui
Thuhma (1:1-9)
Kohrana inthrèna (1:10-4:21)
Nuhmei-pasal le innei thu (5:1-7:40)
Kristienhai le ringnawtuhai (8:1-11:1)
Kohran chawibiek inkhawm (11:2-14:40)
Krista le ringtuhai thonawkna (15:1-58)
Judai rama mihai somdawlna thawlawm (16:1-4)
Chibai bukna (16:5-24)