4 Pathienin ieng tin am a don a? “Baal hmaa la kûn ngai lo, mi sangsari keima ta dingin ka la hlâ zing a nih” tiin a don a ni kha. 5 Tu khom hin chuong ang bok chun Pathienin a lunginsietna leia a thlang suok tlawma zawng an um. 6 A lunginsietna leia thlang suok an ni chun, an thilthaw lei a ni thei nawh; chuong naw chun lunginsietna chu lunginsietna ni thei naw nih.

7 Ieng tin am ni tang a ta le? Israelhaiin an zong chu an hmu naw a, Pathien thlang mi tlawmte chauin an hmu a, mi dang po po chu an chawlol zo tah a nih. 8 “Pathienin voisun chen hin inlusûkna thlarau a pêk a, mita hmu thei nawna le naa hriet thei nawna leh” ti ziek ang khan. 9 Lal Davida chun,

11 Anleh, an insui thlŭk chu an tlu song dim a ni? Tlu song lo e! An tlŭkna leiin Jentelhai kuomah sandamna a hung tlung a, Israelhai inhnar dingin. 12 Chuongchun, an tlŭkna hman khawvel sukhausakna a ni a, an tlăk hnuoina hman Jentelhai hausakna a ni bok si chun, an hung thrang kim pha chun hausakna ropui lem an va’n tlun nasa awm de!

13 Nangni Jentelhai kuomah thu ka hril a ni hi. Kei hi Jentelhai ta dinga tirko ka ni leiin ka rongbawl sin hi ka ngaihlu a nih; 14 ka chipuihai ka’n thǐktir chêu a nih, a thren bêk ka sandam theina dingin. 15 Anni hnawla an umna hman khawvel hi Pathien le inremtirna a ni si chun, anni lawm lŭt nawkna chu thinaa inthoka hring nawkna a ni naw dim a ni? 16 Bei tlang hmet laia a hlek sik thlak hmasa tak chu inser thienghlim a ni chun a tlang hlawm po chu inser thienghlim a ni hlak a; chuong ang bokin thing khom a zung a thienghlim chun a kâuhai khom an thienghlim hlak. 17 Oliv kau zâr threnkhat a tliek leiin nangni oliv puopa chu oliv kungah zom in ni a; zung hrisel chu in intrawmpui ve tah a. 18 Chuleiin, zâr danghai lakah uong tum in ni khoma uong thei in ni nawh, a zung chawmtu in ni naw a, a zungin a chawm lem chêu a nih.

19 Chun, nangin, “Zoma ka um theina dingin zâr threnkhat chu săt thlâk a ni annawm” i ti a ni thei. 20 I hril indik ie; an ring naw leiin săt thlâk an ni hrim a, nang chu i ring leiin zom i nih. Chapo el naw la, tri hlé lem rawh. 21 Pathienin zâr takhai hman a hlá si naw chun nang khom hlà bik naw ni che. 22 Pathien ngilneizie le khauhzie ngaituo hlak rawh; a tluhai chungah a khauh hle a, a ngilneinaah i um zing ruok chun i chungah ngilnei zing a ta, i um zing naw chun nang khom sat thlak ni veng i tih.

23 Chun, anni khom ring loa an um zing naw chun zomin la um nawk an tih, Pathienin anni chu a zom nawk thei si a. 24 Nang oliv puopaa inthoka săt thlâk hman, pienphung pangngai ang loa oliv thing thraa zom i ni si chun, oliv indik tak zăr chu oliv thing indika zom chu a va olsam awm ngei de!

25 Unauhai, hi thurûk hi in hriet naw ka nuom nawh, chuong naw chun var bikah lo inngăi pal hlauh rawi in tih. Jentelhai an lut kim hma chun Israel mi threnkhathai lungrilah ngongna a la tlung hri phot a ni hi. 26 Chuongchun, Israelhai chu sandamin la um vong an tih ti chu Pathien Lekha thuin a lo ziek ta kha:

28 Chanchin Thra chungthua chun, in chan thratna dingin hmêlmaah an inchang a; sienkhom Pathien thlang an ni leiin, an thlatuhai zarin, a dittakhai an ni zing tho. 29 Pathienin mi mal a sawm ta le a thlang tahai chu sŭt nawk thei a ni nawh. 30 Kha hma khan Pathien thu in awi naw a, tu ruok hin chu annin an awi naw leiin a lunginsietna in dong tah a. 31 Chuong ang bokin, tu hin nangnin lunginsietna in dong leiin anni khoma lunginsietna an dong ve theina dingin an awi hri naw a ni hi. 32 Pathien chun mi po po chungah a lunginsietna a’n langtir theina dingin awi nawnaah a khum khawm tawl vong a nih.