5 Judai rama Heroda a’n lal laiin Abija pawla mi thiempu pakhat, a hming Zakari a um a, a nuhmei Elizabet chu Aron thlaa mi bok a nih. 6 An nupa chun Pathien mit hmua mi fel, soisêlboa Lalpa thupekhai le Dan po po zawm hlak mi an nih. 7 Nisienlakhom, Elizabet chu a ching leiin nau an nei naw a, upa tak an ni vé vè tah a.

8 Anni pawl rongbawl huna Pathien hmaa thiempu sin Zakari-in a thaw lai chun, thiempuhai thaw dan pangngaia 9 Pathien tempul sungah lût a, rimtui rawtu ding thrum vâwra an en hlak chu a chungah a tla a. 10 Rimtui raw hun a hung tlung chun inkhawmhai po po chu tuolah an trongtrai a. 11 Chun, Lalpa vantirko a hung inlăr a, rimtui rawna maicham chang tieng chun a ngîr a. 12 Zakariin a hmu chun a’n ching zok a, a tri êm ĕm a. 13 Nisienlakhom vantirko chun, “Zakari, tri naw, i trongtraina kha hriet a na, i nuhmei Elizabet-in naupa neipêk a ti che a, a hmingah Johan i sak ding a nih, 14 Ama chu i hlimna le lawmna ni’ng a ta, a hung pieng leiin mi tam tak khom lawm bok an tih. 15 Lalpa ngaiah mi lien ni’ng a ta, uoiin le zu hrim hrim dawn ngai naw ni a, a pieng hmaa inthokin Thlarau Thienghlimin sip a tih. 16 Israel mihai laia tam tak chu an Lalpa Pathien kuom tieng hung thruoi kîr a tih. 17 Elija thlarau le thilthawtheina neiin, Lalpa ta dinga mihai buotsai dingin Lalpa hung hmain hung a ta, pahai lungril chu an nauhai tieng innghattir a ta, mi kawmawhai chu mi fel varna inputtir a tih” a ta.

18 Zakari chun vantirko kuomah, “Chuong chu thil ni thei am a nih? Kei hlak putar ka ni ta a, ka nuhmei khom a upa ta hlè si” a ta.

19 Vantirko chun, “Kei hi Gabriel, Pathien hmaa ngîr hlak ka na, be ding che le hi thu lawmum hi i kuoma intlun dinga tir ka nih. 20 Ngai ta, a hun taka thil hung tlung ding thu ka hril che hi i ringhlà leiin a hung tlung hma po chu to zingin um i ta, trong thei bok naw ti nih” a ta.

21 Chuong lai chun Zakari chu mipuiin an lo nghâk thrup a, tempul sunga chuong chen chen a um chu mak an ti hle a. 22 A hung suok chun an kuomah ieng khom hril thei loa kut zaizira a biek tawl leiin, Tempul sungah inlărna a hmu a nih ti an hriet a. 23 A rongbawl hun bituk a zo chun in tieng a’n lawi a. 24 Chu hnung chun a nuhmei Elizabet chun nau a hung pai a, thla nga sung tuol suok loin inah a’n khum a. 25 “Mi laia ka hming siet inkhumna dingin Lalpan ditsakna mi’n entirin ka chungah hieng hin a thaw a nih” a ta.

26 A thla ruknaa chun Galili rama khaw pakhat Nazaret an tia um nunghak thienglâm pakhat kuomah Pathienin vantirko Gabriel a tir a. 27 Chu nunghak thienglâm chu a hming Mari a na, Davida thlaa mi Josefa nuhmei huol lai a nih. 28 Vantirko chu Mari kuomah a fe a, “Chibai, vochuom, Lalpa i kuomah a um” a ta. 29 A thu hril chun Mari chu a suklungzing ĕm êm a, a chibai dong chu ieng lei tak am ni’ng a ta ti a ngaituo a.

30 Vantirko chun, “Tri naw, Mari, Pathien ditsak i nih. 31 Ngai rawh, nau pâi i ta, naupa nei i ta, a hmingah Isu i sak ding a nih. 32 Ama chu mi ropui tak ni’ng a ta, Chunghnungtak Naupa ti’ng an tih. Lalpa Pathienin a thlatu Davida lalthrungpha chu pe’ng a ta, 33 Jakob thlahai chungah chatuonin inlal a ta, a ramin kin ni nei naw nih” a ta. 34 Mari chun vantirko kuomah, “Chuong chu iengtin am ni thei a ta?^a Nunghak thienglâm ka la ni si a” a ta.

35 Vantirko chun a don a, “Thlarau Thienghlim i chungah hung tlung a ta, Chunghnungtak thilthawtheina chun hliekhu’ng a ti che. Chuleiin, nau hung pieng ding chu mi thienghlim Pathien Naupa ti’ng an tih. 36 Chun, ngai ta, i zuorpuinu Elizabet, a ching an ti hlak khomin tar hnungin naupa a pâi a, tu hi a thla rukna a ni tah. 37 Pathien ta dingin thaw thei naw ieng khom a um nawh” a ta. 38 Mari chun, “Ngai ta, Lalpa suoknu ka nih, i hril ang chun ka chungah tlung raw se” a ta, vantirko chun a maksan tah a.

39 Chu hun lai bok chun Mari chu a’n siem a, Judai rama thingtlang khaw pakhat tieng inhmaw takin a pan vang vang a. 40 Zakari in a hang tlung a, Elizabet chu chibai a bûk a. 41 Mari chibai bŭkna rawl a hriet char chun a phinga naute chu a chăng a. Elizabet chu Thlarau Thienghlimin a sip a, inring takin, 42 “Nang hi nuhmei po po laia hamthra tak i nih; i rîla ra khom a hamthra. 43 Ka Lalpa nu meu ka kuomah a hung el ta hi ieng ang lawma ditsakna ropui am an ta leh! 44 Ngai ta, i chibai bŭkna rawl a hriet charin lawm leiin ka phing sŭnga naute khom a’n chăwm an son naw! 45 Lalpan a kuoma thu a hril tlung ngei dinga ringtu chu a hamthra” a ta.

56 Mari chu thla thum lai Elizabet kuoma a chàm hnungin a in tieng a kîr nawk tah a.

57 Elizabet nau nei chu a hun tah a, naupa a nei a. 58 A tuolbawmhai le a laichinhaiin Lalpan a lunginsietzie an hrietin an lawmpui a.

59 A ni riet ni chun naute ser tan dingin an hung inkhawm a, naute hmingah a pa hming Zakari sak an tum a; 60 sienkhom a nu chun, “Ni lo e, Johan ti sak lem ding a nih” a ta. 61 Anni chun, “In laichinhai lai tu khom hi hming put hi an um nawh” an ta. 62 A naupa hming dinga a dit chu zaizirin a pa chu an indon a 63 Ama chun lung lekha a hni a, chu taka chun “A hming chu Johan a nih” tiin a ziek a, an rêngin mak an ti hle a. 64 Chuongchun thawklekhatin a lei le bau a hung insŭt a, a hung trong suok a, Pathien a’n păk a. 65 An tuolbawmhai chu maktiin an sip a, chuong thilhai chu Judai ram thingtlangah a’n thang suok a. 66 A hre taphot chun maktiin, “Chu naute chu iengtin takin am a la hung um ding maw?” an ti huoi huoi a. Lalpa kut chu a chungah a um a.

67 A pa Zakari chu Thlarau Thienghlimin a sip a, a hrillawk a:

71 Ei hmĕlma le mi theidatu hai laka mi sanhimtu ding chu.

75 A hmaah ei um theina dingin.

80 Naute chu a hung inthrang lien pei a, thlarau tieng a hung hrât deu deu a; Israelhai lai tlâng hrieta a hung inlang hma chun thlalĕrah a khawsa zing a.