Thrangpui hnǐna
Davida hla.
Hriet zingna ding.
70
1 Aw LALPA,a lunginsiettakin,Hung vat la, mi hung san suok rawh.
2 Ka hringna la tumtuhai chu,
Muolphoin chi-âi hai sien la,
Ka sietna ding phiertuhai chu,
Hmaimawkin tlân se raw hai se.
3 “Chei leh, Chei leh!” tia khêk a,
Mi’n riem khumtuhai po po chu,
Inzakin kûn tlok tlok raw se.
4 Nangma zongtu taphothai chu,
Nangmaah hlimin lawm hai sien;
I sandamna dittu poin,
“LALPA chu a va ropui ngei!”
Tiin lawm hla rem rop raw se.
5 Kei pasie le riengvai tak hi,
LALPAN a mi ngaituo hlak si;
Mi thrangpuitu le sansuoktu,
Aw ka Pathien, muongchang lul naw.