THUVARHAI
Thuhma
Thuvar hi Thuthlung Hlui Baibul ei hmang laia bu 20-na, bung 31 le chang 915 a sei, Solomon le Agur le Lemuel hai thuvar threnkhat thlang khawm, inchuk ding le ni tin nun le khawsaknaa thruoitua hmang dinga a bua an siem chu a nih. Lalhai lekhabua chun Solomonin thuvar sang thum le hla sangkhat le panga a phuok thu a hril a (I Lalhai 4:32). Hi thuvar lawr khawma hin chu Bung 1- 29 chen hi Solomon ziek a na, Bung 30 hi Agur ziek le Bung 31 hi Lemuel ziek a nih.
Thuvara hin mihriem chu pawl hniin a thre: Mi var le mi invêt. Mi var chu Pathien hretu le a thu zawmtu a ni a, mi invêt chu Pathien hre nawtu le a thu poisa nawtu a nih. “Pathien trî hi varna bul a nih” (Sam 111:10) ti hi a châng chabi a nih.
Thuvar hi buk thuma thre thei a nih: (1) Bung 1-10 hi thralaihai ta ding bik (2) Bung 11-20 chen hi mi po po ta ding (3) Bung 21-31 chen hi lalhai le rorèltuhai ta ding.
A thu tlangpuihai:
Varna inpakna (1:1-9:18)
Solomon thuvarhai (10:1-29:27)
Agur thuvarhai (30:1-33)
Lemuel thuvarhai (31:1-31)