Saltăng kir nawkhai
2
1 Judai rama mi Babulon lal Nebukadnezzarin Babulon tienga sala a thruoi, Jerusalem le Judai rama mani khuo senga hung kir nawkhai chu hienghai hi an nih. 2 A hung thruoituhai chu Zerubabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum, le Baana an nih. Israel mi hung kirhai chu: 3 Paros thlaa mi sanghni zakhat sawmsari pahnih; 4 Sefatia thlaa mi zathum sawmsari pahnih; 5 Ara thlaa mi zasari sawmsari panga;6 Pahat-Moab thlaa mi (Jesua le Joab thlahai) sanghni zariet sawmpahnih; 7 Elam thlaa mi sangkhat zahni sawmnga pali; 8 Zatu thlaa mi zakuo sawmli panga; 9 Zakai thlaa mihai zasari sawmruk; 10 Bani thlaa mi zaruk sawmli pahnih; 11 Bebai thlaa mi zaruk sawmhni pathum; 12 Azgad thlaa mi sangkhat zahni sawmhni pahnih; 13 Adonikam thlaa mi zaruk sawmruk paruk; 14 Bigvai thlaa mi sanghni sawmnga paruk; 15 Adin thlaa mi zali sawmnga pali; 16 Ater thlaa mi (Hezekia thlahai) sawmkuo pariet; 17 Bezai thlaa mi zathum sawmhni pathum; 18 Jora thlahai za le sawmpahnih; 19 Hasum thlahai zahni sawmhni pathum; 20 Gibar thlaa mi sawmkuo panga; 21 Bethlehem mihai za sawmhni pathum; 22 Netofa thlahai sawmnga paruk; 23 Anathot thlahai za sawmhni pariet; 24 Azmavet thlahai sawmli pahnih; 25 Kiriat Jearim, Kefira le Beerot khuoa mihai zasari sawmli pathum; 26 Rama le Geba khuoa mihai zaruk sawmhni pakhat; 27 Mikmas khaw mihai za sawmhni pahnih; 28 Bethel le Ai khaw mihai zahni sawmhni pathum; 29 Nebo khaw mihai sawmnga pahnih; 30 Magbis mihai za sawmnga paruk; 31 Elam mihai sangkhat zahni sawmnga pali; 32 Harim mihai zathum sawmhni; 33 Lod, Hadid le Ono khaw mihai zasari sawmhni panga; 34 Jeriko khaw mihai zathum sawmli panga; 35 Senaa khaw mihai sangthum zaruk sawmthum.
Thiempuhai:
36 Jedaia thlahai (Jesua zungzàma mi) zakuo sawmsari pathum; 37 Imer thlahai sangkhat le sawmnga pahnih; 38 Pasur thlahai sangkhat zahni sawmli pasari; 39 Harim thlahai sangkhat le sawmpasarih.
Levihai:
40 Jesua le Kadmiel thlahai (Hodavia thlahai) sawmsari pali; 41 hla saktu Asaf thlahai za sawmhni pariet; 42 kotkhar vengtu Salum, Ater, Talmon, Akub, Hatita le Sobai thlahai za sawmthum pakuo.
Tempula thoktu
43 Tempula thoktuhai thlahai chu: Ziha, Hasufa le Tabaot thlahai; 44 Keros, Siaha le Padon thlahai; 45 Lebana, Hagaba le Akub thlahai; 46 Hagab, Salmai (Samlai) le Hanan thlahai; 47 Gidel, Gahar le Reaia thlahai; 48 Rezin, Nekoda le Gazam thlahai; 49 Uza, Pasea le Besai thlahai; 50 Asna, Meunim le Nefusim thlahai; 51 Bakbuk, Hakufa le Harhur thlahai; 52 Bazlut, Mehida le Harsa thlahai; 53 Barkos, Sisera le Tema thlahai; 54 Nezia le Hatifa thlahai an nih.
Solomon siehlawhai
55 Lal Solomon siehlawhai thlaa mi chu Sotai, Soferet (Hasoferet) le Peruda thlahai; 56 Jaala, Darkon le Gidel thlahai; 57 Sefatia, Hatil, Pokeret-Hazebaim le Ami thlahai an nih.
58 Tempula thoktuhai le Solomon siehlawhai thlaa mi hung kir po po chu an rêngin mi zathum sawmkuo pahnih an nih.
59 Telmela, Tel-harsa, Kerub, Adan le Imer khuohaia inthoka Jerusalema hung kir an um bok a, amiruokchu Israel thla mi le sa an ni le ni naw sui thei a ni nawh. 60 Hi pawl hi Delaia, Tobia le Nekoda thlahai an na, an rêngin zaruk sawmnga pahnih an nih.
61 Chun, thiempu chihai laia mi Hobaia, Hakoz le Barzilai thlahai khom Jerusalemah an hung kîr bok a. Hi Barzilai hin Gilead mi Barzilai naunu chu nuhmeiah a nei a, a nuhmei tieng hming a put ta lem a nih. 62 Hieng thiempuhai hin an sungkuo inthla sawng dan inchikna lekhabu chu an sukhmang leiin thiempua pom an ni ta naw a. 63 Urim le Thummima hmanga hieng thila LALPA rawn theitu thiempu an nei hma lem chun hienghai hin hlànbieknaa thiempu chanvo an fak le dawn ding takngiel khom ram optuin a phalpèk ve nawh.
64 Judai rama hung kir nawk po po chu an rêngin mi singli sanghni zathum sawmruk an nih. 65 Chu bakah siehlaw nuhmei le pasal mi sangsari zathum sawmthum pasari le hla saktu nuhmei le pasal mi zahni an thrang sa bok a. 66 Sakor zasari sawmthum paruk, sabengtung lien chi zahni sawmli panga, 67 sanghawngsei zali sawmthum panga le sabengtung chîn chi sangruk zasari sawmhni an nei bok a.
68 Jerusalema LALPA in an hang tlung chun a hmun pangngaia Pathien in chu bawl nawk dingin sungkuoa lukhaitu threnkhat chun thilpek an inhlàn a. 69 An tlin ang tawka thawlawm an pèk khawm zat chu rangkachak kilogram zanga, tangkaruo kilogram sanghni zariet le thiempu zakuo zahni a nih. 70 Chuongchun, thiempu hai, Levi-hai, kotkhar vengtuhai le tempula rongbawltuhai le vantlâng mipuihai laia threnkhat chu Jerusalem se vela chun an um a, Israel mi, a dang po chu Judai rama anni khuo sengah an inbengbel nawk ta a.