2 KRONIKUL
Thuhma
Kronikul Pahnina hi Thuthlung Hlui Baibul ei hmang laia bu sawmpalina, bung 36 le chang 822 a sei a na, Ezra ziek bok ni dinga ring a nih. Kronikul Pakhatna tawpnaah a sunzom a, Solomon inlala inthoka a thi chena thil tlunghai le a thi hnunga Israel lal ram pahnia a hung koi dar dan hai, hmar tienga um hnam sawmin Samaria chu khawpuia hmanga Israel lalram an hung indin dan hai, sim tienga um Juda hnam le Benjamin hnamin Levihai thlopna hnuoia khawpuia Jerusalem hmanga Judai lalram an hung indin dan hai, kum 721/2 B.C-a Israel ram chu Asuria-haiin Israel hung hne a, hun sawt nawte hnungah a hnam puma an bohmang thu hai, sim tienga Judai lalram khom Babulon lalin a hung rùn a, 586 B.C-a Jerusalem a hung suksiet a, an lal le sungkuo le mipui tam tak Babulon tieng sala a thruoi thu hai, kum 375 sunga Israel thlahai chanchin chu hi lekhabua hin a chuong.
A thu tlângpui
Solomon inlal lai chanchin (1:1-9:31)
A hun hma tieng (1:1-17)
Tempul a bawl chanchin (2:1-7:10)
A hun tawp tieng (7:11-9:31)
Hmar tienga hnam sawmhai helna (10:1-19)
Juda lalhai (11:1-36:12)
Jerusalem siet thu (36:13-23)