NEHEMIA
Thuhma
Nehemia lekhabu hi Thuthlung Hlui Baibul ei hmang laia bu sawmparukna, bung 13 le chang 406 a sei, Nehemia ngeiin 445-432 B.C inkâr vela a ziek a nih.
Babulon sala intâng Israel thla hung kir hmasa takhai chu Zerubabel inrawina hnuoiah 538 B.C khan an hung kir nawk a. A dota a honpuia hung kirhai chu Ezra inrawina hnuoiah 458 B.C vel khan an hung kir a. A thruong thumna, a tawpna taka hung kirhai chu Nehemia inrawina hnuoiah 445 B.C khan an hung kir a, anni hung hnung hin Jerusalem inhuonna kul an bawl thra nawk a nih. Nehemia chu Daniel le a ruolhai ang boka Babulon lal hnuoia sinthaw, mi ringumhai chauh an ruoina hlak, lal ina lal dawn ding zu petu a nih. A thaw ding iengkim chu fimkhur takin ziek ngeiin lal phalna a hung lak hmasa a, kul an bawl thrat nawk thuah kalna le hèkna nasa tak tuok sien khom a hmêlmahai chun ieng khom an law thei naw a, ni sawmnga le ni hni sung chauhin Jerusalem kul tlu se vong ta hnung chu an bawl thra nawk vong hman a nih. A hnungah Nehemia chu Judai ram larsapah a hung um ta pei a nih.
A thu tlangpui
Jerusalemah Nehemia a kir nawk (1:1-2:20)
Jerusalem kul an bawl thar (3:1-7:73)
Dan tiemin thu an thlung thar (8:1-10:39)
Nehemia thilthaw danghai (11:1-13:31)