Davidan hnèna a chang
8
1 Chu hnunga chun Davidan Filistin mihai chu a bei a, a hne a, a tukdol tawl a, Metheg Amaa chu an kuta inthokin a lâkpĕk a.2 Davida chun Moab mihai khom a hne a. Anni chu hnuoiah hrui khangin tlar thumin an inzaltir a, tlar hnia mi po an sukhlum a, tlar khata mi po an indamtir a. Chuongchun Moab mihai chu sie khuoah a siem a, sie an hung chawi hlak a. 3 Davida chun Eufrêtis vadung hrûla a lalna tungding nawk dinga a fe trumin Zoba lal, Rehob naupa Hadadezer a do bok a. 4 David chun a sakor tawlailir sangkhat, tawlailir khaltu sangsari le a sipai singhni a manpek a, an sakor laia zakhat ti chauh lo chu an zaper thà a sàtpêk vong a. 5 Damaskaa inthoka Aramb mihai, Zobaa lal Hadadezer san dinga hunghai chu Davidan singhni le sanghni a lo that a. 6 Aramhai khawpui Damaskaa chun umnghătu sipai a sie a, Aramhai chu Davida lalna hnuoiah an lut a, sie an hung chawi a. Davida chu a fèna taphotah LALPAN hnĕna a’n changtir pei a.
7 Davida chun Hadadezer ofisarhai rangkachak phaw po po chu a lâk khawm a, Jerusalemah a hung chawi a. 8 Hadadezer khuo Beta (Teba) le Berota inthokin dâr tam tak a hung hâwn bok a.
9 Hamath lal Tou-inc Hadadezer sipaihai po po Davidan a hnè tah ti a lo hriet a. 10 Ama le khom lo indo hlak Hadadezer a hnè leia chibai bûk le lawmpui dingin Tou chun a naupa Joram chu tangkaraw bêl dam, rangkachak bêl dam le dâr bêl dam inchawitirin Davida kuomah a tir a. 11 Chuong thilpekhai chu hnam dang lal a hnĕhaia inthoka a râllâk tangkaruo le rangkachakhai a’n hlàn hlak ang bokin Davida chun LALPA kuomah a’n hlăn a. 12 Chuong ang râllâk a’n hlăn tahai chu Suria mihai ta dam, Moab mihai ta dam, Amon thlahai ta dam, Filistin mihai ta dam, Amalek mihai ta dam, Zoba lal Rehob naupa Hadadezer hai laka a râllâk dam a nih.
13 Chi Ruoma Edom mihaid singkhat le sangriet thata a hung kir hnung chun Davida hming chu a’n thang ta hle a. 14 Edom ram hmun tinah umnghătu sipai a sie a, Edom ram chu sie ramah a siem a. Davida chu a fèna taphotah LALPAN hnĕna a’n changtir pei a.
Davida thoktuhai
15 Davida chun Israel ram po po a op a, mipuihai chungah ro indik tak le fel takin a rĕl a. 16 Zeruia naupa Joab chu sipai lu takah a thrang a; Alihud naupa Jehosafat chu chanchin ziektu a ni a; 17 Ahitub naupa Zadok le Abiathar naupa Ahimelek hai chu thiempu an ni a; Seraia chu ziektu a ni a; 18 Jehoiada naupa Benaia chu Keret mihai le Pelet mihai hotu a ni a; Davida nauhai chu lal kuoma thurawn petu an nih.