1 SAMUEL
Thuhma
Samuel Pakhatna hi Thuthlung Hlui Baibul ei hmang laia bu kuona, bung 31 le châng 810 a sei, Samuel le Davida le Nathan le Gad haiin a hran hrana an ziek lak khawm, bu khata an siem nia ring a nih.
Rorêltuhai hun nuhnung tienga Israelhai inrawitu chu thiempu Eli a na, kum sawmli sung thiempu le rorêltu ni kopin ro a rêl a. Amiruokchu, Eli nauhai rǐtlona leiin a ramin sietna a tuok a, Filistinhaiin an hung rŭn a, an Pathien Bawm chen an lăkpĕk a, a nauhai pahnih an that a, lungngaiin Eli khomin a thipui a, kum sawmli zet Filistinhai hnuoiah Israelhai chu an um pha a. Chu ngirhmuna inthok chun Samuel hmangin Pathienin a san suok a. A tirin Samuel chun thaw thra hle sien khom rorêltua a nauhai a hung sie hnungin thamna an ngaina leiin nasa takin mipui lung a awi naw a, lal neia khawsak ve an nuom leiin lal an hni a, Pathienin Saula a pêk a, ama chu Samuelin kum 1050 B.C vel khan lal dingin hriek a nal a. Saula chun Pathien lakah thil suol a thaw leiin a hmuna inlal dingin Davida a thlang a, Samuelin lal dingin hriek a năl a. Saula chun Davida chu that tumin nasa takin a bei a, sienkhom a hlawsam a. Saula le a naupa pathumhai chu indonaa an thi hnungin kum 1010 B.C khan Davida chu lalin a hung inthrung tah a nih. Hi chen hi Samuel Pakhatna sunga chanchin um chu a ni a, kum zakhat vêl sung a huom.
A thu tlângpui
Rorêltuah Samuel a thrang (1:1-7:17)
Saula lalin a hung um (8:1-10:27)
Saula inlal tran hun lai thu (11:1-15:35)
Davida le Saula (16:1-30:31)
Saula le a nauhai thi thu (31:1-13)