1 LALHAI
Thuhma
Lalhai Pakhatna hi Thuthlung Hlui Baibul ei hmang laia bu sawmpakhatna, bung 22 le châng 816-a sei le Zawlnei Jeremia ziek ni dinga ring a nih. Hi lekhabua hin kum 970-587 B.C inkara chanchin, Israel lala Solomon a hung inthrung thu hai, Davida thi thu hai, Solomon inlal sunga a thilthaw hai, abikin Jerusalema Pathiem Tempul a bawl thu dam, Solomon thi hnunga Israel lalram chu lalram pahnih- Israel lalram le Juda lalram-a a hung koi dar thu dam le B.C kum zabi pakuona laihawl chena lalhai chanchin dam a chuong.
Lalhai lekhabu 1 & 2 a hin rorêltuhai chu Pathien laka an ringum le ringum naw thuin an hnamin malsawmna an dong le dong naw hlak thu chieng takin a’n lang. Thu an awi naw châng le milim an biek changin an hnamah sietna a tlung hlak. Hi inkhinaa hin hmar tieng lalhai chu an tling naw vong a, sim tieng Judai ram lalhai khom a thren an tling a, a thren an tling nawh.
Lalhai Lekhabu pakhatnaa hin LALPA zawlneihai chun huoisen takin mipui chu milim be lo ding le Pathien dodâl lo dingin an infui hlak. Chuonghai laia inlâr tak chu zawlnei Elija a ni a, Baal thiempuhai le an inelna hi a poimaw hlè.
A thu tlângpuihai
Davida inlalna a tawp (1:1-2:12)
Lalin Solomon a thrung (2:13-46)
Solomon rorĕl sung (3:1-11:43)
A hun hma tieng (3:1-4:34)
Tempul a bawl (5:1-8:66)
A hun nuhnung tieng (9:1-11:43)
Lalram pahni a hung ngir (12:1-22:53)
Hmar tieng hnamhai an hel (12:1-14:20)
Juda lal le Israel lalhai (14:21-16:34)
Zawlnei Elija (17:1-19:21)
Israel lal Ahab (20:1-22:40)
Juda lal Jehosafat le Israel lal Ahazia (22:41-53)