2 THESALONIKA
Thuhma
Thesalonika pahnina hi Baibul pumpuia bu 53-na, bung 3 le châng 47 a sei a nih. Korinth khuoa Paula a chàm lai boka hi lekha hi a ziek a nih.
Isu hung nawkna ding thuah ‘Krista chu a hung dĕr tah’ tia inchuktir pawl an um leiin Thesalonika kohran chu an buoi zui pei a. Chu zirtirna indik lo chu hrilfie dingin hi lekhathon hi a ziek a nih. A hung nawk hmain khawvelah suolna pung a ta, a văwrtăwp a tlung hmaa Krista dodâltu dingin Danbawsepa a hung inlang hmasa zet ding thu a ziek băkah ringtuhai chu harsatna le buoina kârah nghet taka um tlat ding le ama, Paula thaw dan anga mani făk le dawn ding mania thaw suok ngei ding le thil thra thaw pei dingin a’n fŭi a nih.
A sûng thu tlangpui
Thuhma (1:1-2)
Inpâkna (1:3-12)
Krista hung nawkna thu (2:1-17)
Kristien khawsaka khawsa dinga infuina (3:1-16)
Tlangkawmna (3:17-18)