KOLOSA
Thuhma
Kolosa mihai kuoma Tirko Paula lekhathon hi Baibul pumpuia bu 51-na, bung 4 le châng 95 a sei a nih. Kolosa hi Efesi sak tieng, Asia Minor a khaw poimaw pakhat a na, an kohran hi Paula phun ni naw sien khom a mawphurna biela um niin a ngai a. Hi khuoa hin zirtirna indik lo a lût a, sandamna famkim nei ding chun thlarau khawvela rorêltuhai le thuneituhai chu biek lungawi a trûl ve bakah sertan le fak le dawn thuah thieng le thieng naw danhai chu zawm kim ve a ngai thu an inchuktir a. Hieng zirtirna indik nawhai hi kalin le hril fie dingin hi lekha hi a ziek a nih.
Isu Kristaa hin sandamna chu a kim a, hieng thil danghai hin sandamna indik taka inthokin an mi thruoi hmang lem thei thu a hrilfie a. Pathienin Krista leiin hnuoi le van a siem a, Krista lei bokin Pathien le hnuoi le van chu an inrem nawk tah a. Kristaa chauh khawvel sandamna a um ti a ziek a, a ringtuhai khawsak dan ding a kawkhmu bok a nih. Efesi mihai kuoma lekhathon leh an ang hle a, trum khata a ziek khom a ni el thei. Hi lekha hi Tukik le Onesima haiin an chawi a, Onesima hi Filemon bawi a nih. Hi lekha hi A.D 61-62 laia Rom khuoa inthoka a ziek nia ngai a nih.
A sung thu tlângpui
Thuhma (1:1-8)
Krista mizie le a sin (1:9-2:19)
Kristaa nun thar (2:20-4:6)
Tlangkawmna (4:7-18)