2 KORINTH
Thuhma
2 Korinth hi Baibul pumpuia bu 47-na, bung 13 le chang 257 a sei, Paulan Korinth kohranhai kuoma A.D 57 vela Makedonia ram Filipi khuoa inthoka a ziek a nih.
Korinth kohrana mihai le Paula inkarah harsatna nasa tak a suok a. Threnkhatin Paula doin an bei nasa hle a, sienkhom inrem taka um tlang a nuom si a. A lekhathon bul tieng hin Korinth kohran phuntu a nizie dam, a thu an poisak naw leia na taka zilna lekha a thon thu dam, a’n sîr văng nghé nghè thu dam, sienkhom thil suksuoltuhaiin sim phanaa an hmang leia an inrem nawk theina leia a lawm thu dam a ziek a. Chu zoah Judai rama kristienhai somdawlna dinga tiktlai taka thilpêk inhlàn dingin a ngĕn a. A lekhathon tawp tieng hin tirko tehlêm ni anga mi threnkhatin an lo hril chu a’n dik nawzie a suklang bok.
A sung thu tlangpuihai
Thuhma (1:1-11)
Paula le Korinth kohran (1:12-7:16)
Judai ram kristianhai somdawlna thawlawm (8:1-9:15)
Apostol a nizie (10:1-12:10)
Tlângkawmna (13:11-14)