MALAKI
Thuhma
Malaki lekhabu hi Thuthlung Hlui Baibul ei hmang laia bu sawmthum pakuona le a tawpna tak, bung 4 le chang 55 a sei, Jerusalema um Zawlnei Malaki-in Babulon sala inthoka hung kir nawk, Jerusalema chêng Judahai ta dinga 430 B.C vêla a ziek a nih.
Zawlnei Malaki chun thiempuhai le mipuihai chu Pathien le an thuthlunga ringum dingin a zilhau a. Pathien mihai laia hlemhlĕtna a hung hluor nasatzie le Pathien an chawibiek dan khom a lem mei meia an thaw a nih ti a hmu chieng a. Thiempuhai le mipuihai chun Pathien hlĕm tumin, thilhlân an inhlàn ding zăt ang chu an inhlàn ngai naw a, Pathien thu angin an khawsa nuom bok nawh. An suol an sim naw chun Pathien lungsenna chu an chungah a rè naw dingzie dam, indik taka khawsa a, sawmapakhathai khom indik taka an pĕk chun matheiloin Pathienin mal a sawm dingzie dam le Pathien thu anga an nun khal ding damin a’n fui mol mol a. Chun, a mihai ro rêl ding le anni chu sukthieng dinga Lalpa chu a hung hmain a lampui buotsaitu ding le a thuthlung puongdartu ding mi a hung tir ding thu dam a lo puong lawk a, Isu hung pieng ding thu tlâng insampuitu poimawhai laia pakhat a nih.
A thu tlangpuihai
Israelhai suolna (1:1-2:16)
Pathien rorêlna le zangaina (2:17-4:6)