ZEKARIA
Thuhma
Zekaria lekhabu hi Thuthlung Hlui Baibul ei hmang laia bu sawmthum parietna, bung 14 le chang 211 a sei, Zawlnei Zekaria ziek a nih. Bung 1-8 chen hi 520-518 B.C inkara hun hrang hranga ziek a na, chu taka chun inlàrna thu dam, Jerusalem indin thar a ni ding thu dam, Tempul bawl thar a ni ding thu dam, Pathien mihai sukthienga an um ding thu dam le Mesia hung nawkna ding thu dam a chuong a. Bung 9-14 chen hi 480 B.C vela a ziek, thucha hrang hrang dam, an beisei Mesia hung ding thu dam le rorêlna nuhnung tak hung tlung ding thu dam a chuong. Zekaria hi Thuthlung Thar ramri hnaia chêng a ni tăk leiin a thil hmu lawk tam tak chu Isu Krista hung khan a hung sukpuitling a nih.
A thu tlangpuihai
Hril lawkna le beiseina thu (1:1-8:23)
Israel tuolbawmhai hremna thu (9:1-8)
Hmuingilna le muongna hun (9:9-14:21)