OBADIA
Thuhma
Obadia lekhabu hi Thuthlung Hlui Baibul ei hmang laia bu sawmthum pakhatna, bung khat le chang 21 a sei nih. A ziektu Obadia chanchin hi ei hriet tlawm hle. A hming umzie ruok chu Pathien siehlaw/betu tina a nih.
Kum 586 B.C a Nebukadnezzarin Jerusalem a suksiet trum le mi tam tak sala a thruoi dul dul trum khan Judahai hmèlma hlun, Esau thla Edom mihai, Idumia tia an ko bok hai chun Babulon mihai chu an lo thrangpui el bakah Judahai tlawm chu nasa taka lawmin an diriem a, chil dam an sak khum a. Chu chun Obadia lung namen loin a khei a, Edomhai chu Israel hmèlmatu hnam danghai leh an la tlawm dingzie le hrem an la tuok dingzie thu hi lekhabua hin a tlang insampui ve thung a nih.
A thu tlângpuihai
Edom hremna (1-14)
LALPA ni (15-21)