JOEL
Thuhma
Zawlnei Joel lekhabu hi ei hmang lai Thuthlung Hlui Baibula bu 29-na, bung 3 le châng 73 a sei, Judai rama mihai ta dinga Joel-in a ziek a nih. A ziektu chanchin hi an lang tlawm hle a, ieng tik huna um am a na ti khom hriet chieng a ni nawh. Joel lekhabu hi kum 835-796 B.C inkara ziek ni dinga ngai pawl an um laiin a hnung dai, kumzabi pangana le palina lai, Persia Lalram a ngir laia ziek ni dinga ring an um bok. Palestina rama khàu intàm ding thu le khuo nasa taka a’n thràl ding thu dam a hril lawk a. Lalpa Ni hung tlung ding le ama kaltuhai hrem an ni ding thu dam, mipuiin an suol an sim ruok chun Lalpan malsawma a tungding ding thu dam a hril bok. Chun, a thu hril lawkhai laia inchik tlak chu mi tin chunga Lalpan a thlarau a la vur ding thu a nih. A lekhabu chang chabi chu 2:12-13 a nih.
A thu tlangpuihai
Khau intàm ding thu (1:1-2:17)
Tungding nawk dinga tiemna (2:18-27)
LALPA ni tlung ding (2:28-3:21)