12
1 Efraim chun thli hi bu-in a ring a,aSunnithlak khawsak thli a hnot a,
Khêl le thisen suokna a sukpung.
Asuria leh thu a thlung a,
Aigupta kuomah hriek a thon a.
2 Juda lakah LALPA lung a na,
Jakob chu a um dan anga hremin,
A thilthaw dungzuiin rul a tih.
3 Sŭla an um lai khomin,
A unau kekhongah a man a;
A hung puitlingin Pathien a bei.
4 Vantirko leh an inbei a,
Ama chun a hnèbàn a,
Trapin ditsakna a hni a,
Ama chu Bethelah a hmu a,
Chu taka chun a’n biekpui a.
5 A hming chu LALPA a nih,
Iengkim LALPA Pathien chu.
6 I Pathien kuomah kir rawh,
Hmangaina le indikna vongin,
Pathien chu nghak zing hlak rawh.
An suol leia hrem ding
7 Kanan mihai ang bokin,
Israel sumdawngtuhai chun,
Bùkna indik lo an hmang a,
Mi hlèma făkpêk an lawm.
8 Efraim chun chapo takin,
“Ka hausa a, ka neinung a,
Ka hausakna po po lei hin,
Tu khomin thil suol thawah,
Mi’n tum ngam naw nih” a tih.
9 “Kei hi LALPA in Pathien,
Aigupta rama inthoka
Hung thruoi suoktu cheu ka nih.
Kût hun lai ang khan puon inah,
Inchêngtir nawk ka ti cheu.
10 Zawlneihai ka biek hlak a,
Inlàrnahai ka’n hmutir a,
Thil tlung dinghai ka hril hlak.”
11 Gilead chu a rilo hle maw?
Gilgalah bawngchal inhlànin,
Milim hmaah an inthawi maw?
Leilet sǐra lung dĕng bum angin,
An maichamhai chu siem ka tih.
12 Jakob chu Aramah a tlân a,
Israel chun a nuhmei ding hlawin,
Sin a thaw a, beram a vĕng a.
13 Aigupta rama inthoka,
Israelhai thruoi suok dingin,
LALPAN zawlnei a hmang a,
A zawlnei hmangin a enkol a.
14 Nisienlakhom Efraim chun,
Chophâwk rakin a suklungsen.
A thisen insuona maw chu,
LALPAN a chungah bur a ta,
A hrilpawina po po hai leiin,
LALPAN sukmuolpho a tih.