4
1 Israelhai chunga LALPA lungninawnaAw nangni Israel thlahai,
LALPA thu hi ngaithla ro.
Hi rama chêngtuhai lakah,
LALPA chun hieng hin a tih:
‘Ringumna le hmangaina,
A ramah a um naw a,
Pathien hrietna an nei nawh.
2 Inkhăm, inhlĕm le inthat,
Rûkrŭk le uire a’n lĕng a;
Bawsiet naw ram a nei naw a,
Thisen khom a luong zom zing.
3 Hi lei hin ramin a sŭn a,
A mi chĕnghai an chău zo a,
Ramsahai le chunglĕng vahai,
Tuipui ngahai chen an thi zing.
Thiempuhai a soisel
4 Sienkhom tu khomin mi dang,
Intum hrim hrim naw raw se;
Nangni thiempuhai hi in nih,
Ka nâk kaltu tak lem chu.
5 Sûn le zànin in petek a,
Nangni ruolin in zawlneihai,
An lo petek ve pei bok a.
Chuleiin, in nu khom hi,
Ka sukbohmang ding a nih.
6 Ka mipuihai sietna bul chu,
Hrietna an tlaksam lei a nih.
Hrietna chu in hnawl leiin,
Ka thiempuah ka hnawl cheu a,
Kei hi an mi pom naw a,
In Pathien dan in ngaitha leiin,
In nauhai ka hnawl ve a nih.
7 Thiempu ruol an tam po leh,
Ka laka hel an pung a,
An Ropuina Pathien chu,
Milim inzapuiumin an thlâk si.
8 Ka mihai bawsietna chu,
Insukthaunan an hmang a;
Mipui an rilo po leh,
An lawmna a zuol ting si.
9 Thiempu le mipuihai chu,
A chuong a liem an um nawh;
An nun dan anga hremin
An thilthaw thungrul ka tih.
10 “Fâng an ta, khop si loin,
Nawchi zor hung chîng an ta,
Sienkhom pung si naw ni hai,
LALPA chu zam hmangsan a,
11 Nawchizora inhmang a,
Hrietthiemna inhmang khopa,
Uoiin chĕna an intâl leiin.
12 Ka mihan thing lim bein,
Thing bong thu an khŭkpui a;
Nawchizornan thruoi hmangin,
An Pathien an zàmsan a.
13 Muol le tlâng sîp tina hai,
Saisaw thing le beraw thing,
Tarpin thing buk hnuoia hai,
Inthawiin rimtui an raw a,
A zâr hlim inhoi an tih.
Chuleiin in naunuhai chun,
Nawchizor an hung chìng a,
In mohan uire an chîng bok.
14 In naunuhan nawchi zor a,
In mohai an uire khomin,
Anni chu hrem tawl naw ning,
Pasalhan nawchizorhai chu,
Zawl puon inzawnpui hlak a,
Tempula nawchizor ruol leh,
An inthawi tlăng hlak leiin.
Hrietthiemna nei lo mihai chu,
An la tlu se ding a nih.
15 Aw Israel, nang inzor la khom,
Juda chu kai zap lul naw rawh.
Gilgal le Beth-Avena hai,
Inthawi di’n hang fe naw la,
Chu chun LALPA hming sâlin,
Sie samin inkhâm naw rawh.
16 Israelhai lululzie chu,
Bawng la lulul ang an nih.
Beram ruol anga khalin,
Iengtin am hlobet hmunah,
LALPAN intlattir thei a ta?
17 Efraim-in milim a’n zompui a,
A cháng chàng changpui raw se!
18 An zu dawn an zo pha leh,
Nawchi zorin an inphalrai a;
An rorĕltuhai thlăkhlà chu,
Thil inzapuium thaw a nih.
19 Thlipuiin fen hmang tawl a ta,
An inthawinahai lei chun,
Muolphoin la’n zak an tih.