Hosea le uirenu
3
1 LALPA chun ka kuomah, “Fe la, mi dang le indit le uire tah i nuhmei kuomah ama i hmangaizie va’n entir nawk rawh. Israel thlahai chu pathien dang tieng nghain grep trăwla siem bei chu ngainahai sien khom, LALPAN anni chu a hmangai zing ang bokin nang khomin i nuhmei chu va hmangai rawh” a ta.2 Chuongchun, tangka sekel sawm le panga le barli kilogram za le sawmngain ama chu ka’n chawk a. 3 Chun, a kuomah, “Ni tam tak sung ka kuomah i um ding a ni leiin nawchi zor ta naw la, pasal dang umpui nei bok naw la, chuong ang bok chun kei khom i lakah um ka tih” ka ta.
4 Israel thlahai chu ni tam tak lal le mi lienhai nei loin, hlanbiekna nei thei loin, an lung thienghlim dam, thiempu zakuoa efod dam le milim dam um loin an khawsa ding a ni si a. 5 Chu hnunga chun Israel thlahai chu hung kìr an ta, LALPA an Pathien le an lal Davida chu zong an tih. Hun tawpa chun LALPA le a malsawmna chu inthin pumin pan an tih.