Sandam dinga fielna
55
1 Dangchâr taphot hung unla,Tui hi hung dawn ro;
Poisa nei nawhai khomin,
A thlawnin bu hung fa ro!
Uoiin le bawngnene hai,
A thlawnin hung la ro khai.
2 Bu-a ring thei ni si loah,
Ieng leiin am sum in sèng ding?
Khop le tlaina ni si loah,
Ieng leiin am thâ in sèng ding?
Ka thu hi ngun takin ngai ro:
Thil thra chu fain dawn ro,
Thil hâng inhnik in tlăn chun,
In thlarau khom lawm a tih.
3 “Ngaithlain ka kuomah hung ro,
Ngaithla ro, in hring theina di’n.
Davida kuoma hmangaina thu,
Ka lo tiem tlat tah angin,
Nangni leh kumkhaw thuthlung,
Ka thlungpui ding cheu a nih.
4 En ta u, ama chu hnam tin lai,
Hrepuituah ka ruot a,
Thruoitu le hotuah khom.
5 In hriet ngai lo hnamhai khom,
In nuom hunah ko in ta,
A hre nawtuhai cheu khom,
Inhmaw takin hung an tih,
LALPA in Pathien ngei el,
Israelhai Mi Thienghlim chun,
A chawimawi chêu lei a nih.
6 Hmu theia a um lai hin,
LALPA chu zong unla,
A hnài lai hin ko ro.
7 Mi riloin a nun dan bànsan sien,
Mi suolin a ngaituona thlâk raw se.
LALPA kuom tieng kir sien la,
Ama chun lo lunginsiet a ta,
A thlawnin lo ngaidam a tih.
8 LALPA chun hieng hin a tih:
“Ka ngaituo i ngaituo an nawh,
Ka lampui i lampui an nawh.
9 Van khi hi hnuoi nêk daia,
Insâng lem a ni angin,
Nangma lampui nêk daiin,
Ka lampui a’n sàng lem a,
I ngaituona nêk daiin,
Ka ngaituona a’n sàng lem.
10 “Van a’nthokin ruo le vûr,
Hnuoiah a hung tla hlak a,
Leihnuoi chawm le sukhnawng a,
Thil introtir le inthrangtir a,
Lo neitu ta di’n bu le bâl,
A hung insuotir zet hma chun,
Van tieng a kir nawk ngai nawh.
11 Ka baua thu suokhai khom,
Ka dit dan anga hlen suok a,
Ka tum le tir san ang chu,
Sukpuitling a ni hmâ chun,
A thlawnin a kîr ngai nawh.
12 “Hlim tak le thlamuong takin,
An thruoi suok ding cheu a nih;
In hmaa muol le tlanghai,
Hlim zai vawrin khêk an ta,
Lèntu thing tinhai khomin,
Hlim takin kut ben an tih.
13 Hlingin a bawm rama chun,
Far thing hung tro ta’ng a ta,
Buorin a bawm rama chun,
Inhmûi tro lem ta’ng a tih.
Chu chu LALPA thilthawhai,
Kumkhawa hrietna dinga,
Inchikna ni tang a ta,
Phŭr thlûk ni ta ngai naw nih.