HLAHAI HLA
Thuhma
Hlahai Hla hi Thuthlung Hlui Baibul ei hmang laia bu sawmhni pahnina, nambar 8 le châng 117 a sei, nunghâk le tlangvàl inkâra inhmangaina hla, lêngzèm amanih sai hla, Solomonin beram vengtu Sunam/Sulam (6:13) nunghak a ngaizawng thu le inzoma hla insontuo a phuok nia ngai a nih. Judahai chun Pathienin an hnam a hmangaizie entirna hlaah belin, Fekân Kŭt tontirin an insam hlak a, sienkhom kum sawmthum hnuoiin an tiem le insam ruok chu an phal nawh. Kristienhai chun Kristan a Kohran a hmangzie entirna dingin an bel ve thung. Chu dinga a hla chabi chu, inneituona thu, “Ka hmangai ta chu ka ni a, Ka hmangai khom ka ta a nih” (6:3) ti hi a nih.
Hlahai Hla hi ‘Solomon hlahai’ tia hriet a ni bakah Judahaiin vantlang inkhawma Hebrai tronga hla panga insam dinga an thlang suok laia a pakhatna a ni leiin ‘Canticles” tia hriet a ni bok.