4
1 Chu nia chun nuhmei pasariin,Pasal pakhat chel de’ng an ta,
“Keini le keini inchawmin,
Silfen intum vong kan ta,
Kan muolpho hliekhuna di’n,
Nuhmeiah mi nei hrâm rawh”
An la ti ding a ni si a.
Jerusalem tungding nawkna ding
2 Chu ni chun LALPA-a inthoka inder suok Kau chu mawi tak le ropui takin la hung um a ta, a ram tharsuok chu Israelhai laia dam khawsuokhai uongpui tak le an ropuina chu la ning a tih. 3 Zion-a la um zing, Jerusalema la um zinga an hming inchikhai chu, mi thienghlim tia ko ning an tih. 4 LALPA thlarau chun Zion minuhai chungthu rêl felin, an porchèna chu sawp fai a ta, Jerusalema thisen kai po po chu LALPA thlarau mei chun kăng fâi a tih. 5 LALPA chun Zion tlang le chu taka mi cheng khawmhai chunga chun sŭnah sûm anga inzâm meikhu sieng a ta, zanah meichok var sie bok a ta, a ram pum chu a ropuinan zar khum a tih. 6 Chu chu sŭn lum vanglaia zar hlimtu bâwkte le thlipui le ruo laka an inhumhimna ning a tih.