Tlangval
7
1 I fukè le pheikhok an inhmè,I mawi ngei ie, lal nau lanu;
I mal mûmin lunghlu a ieng,
Themthiem kut suok ngei chu.
2 I laibu khuorin berbu a ieng,
Uoiin thraa sung sip zing chu.
I lai pawngin bu vŭm a ieng,
Lili par hmuna sung vŭm chu.
3 I trâng vûmin zukte phîr a ieng,
Zuk la tuoi hring ngei el chu.
4 I rîngin saiha in sang a ieng,
I mitin Hesbon dilte a ieng,
Bath Rabim kot bula um chuh.
I hnârin a ieng, Lebanon kulbing,
Damaska tieng vengna bûk chuh.
5 I thlunglu’n Karmel sìp a ieng,
I basam thlai mawi dum tle seng chu,
Lalin tuor harsa a tih.
6 Hmangai, dit i va hang um ngei,
I mawinan lung a hnèm hlie hlie!
7 I duongkaiin tûm thing a ieng,
I trâng vûmin thei bawr an ieng.
8 “Tûm thinga chun lawn tungin,
A raa chun intûl ka tih” ka ta.
I trâng chu grep bawr ang el a na,
I thuok epul rim ang hieu a na,
9 I bau uoiin thra tak ang a nih.
Nunghak
Ka dittak baua hin uoiin chu,
Hung luong thla dèl dèl raw se.
10 Ka hmangai ta ka ni a,
A lunglai khamtu ka nih.
11 Aw ka hmangai, hung raw leh,
Phŭla dam son lêng dûn ei ta,
Thingtlang khaw-ah riek ei tih.
12 Zîng hmânga inthok suokin,
Grep huonhai chu sir ei ta,
Grep kumŭmin an par ta’m,
Ti dâm va thlir dûn ei ta,
Theibufai vul lai thlir ei ta,
Chun ka hmangaina inhlàn ka che.
13 Zawlaidi rim a’n nam rem rem,
Ei kot bulah thei inhnik tinreng,
Lo thar le a hmin zûmhai ka sie;
A hmin thrá thrà kha aw dittak,
I ta dinga ka khĕk a ni.