Varna le invêtna
9
1 Varna chun in a bawl a, Lung ser ban pasari a phun a,
2 A lawmnan ran a that a,
Dawn ding uoiin a buotsai a,
Ruoi chu a’n pei fel diem tah.
3 A rongbawltu nunghakhai chu,
Khaw sung hmun indaw-ah a tir a,
Tuolpârah tlang a’n samtir a:
4 ‘Hrietthiemna tlasam le mawlhai,
Inrêngin hi tieng hin hung unla,
5 Ka ruoi buotsai hung kîl unla,
Ka uoiin siem hi hung dawn ro.
6 Hring le dama in umna dingin,
In mawlnahai hnungson unla,
Hrietthiemna lam chu hraw ro.’
7 Tu khom hmusittu ziltu chun,
Khîksawna a tuok lêt hlak a,
Mi rilo kawktu tu khomin,
Kawk lêt hrep a tuok ngei hlak.
8 Hmusittu chu kawk naw rawh,
Theida phana’n hmang a ti che;
Mi var i kawk a ni ruok chun,
Ngainat phanan hmang a ti che.
9 Mi var i zirtir a ni chun,
Var zuol phanan hmang a ta,
Mi indik i zirtir khomin,
Hriet zuol phanan hmang a tih.
10 LALPA tri hi varna bul a na,
Sungril mit varna bul chu,
Mi Thienghlim hriet hi a nih.
11 Ka zârin i damlai ni pung a ta,
I dam kum khom sei bok a tih.
12 Chu varna chu i nei chun,
I varna chu hlawkpui i ta,
Hmusittu i ni ruok chun,
I hmusit man tuor ngei i tih.
13 Nuhmei invêt rìhău a na,
A mâwlin hriet muol a nei nawh.
14 A kota inthrung biel a chîng,
Tuol pâra inthrung a chîng bok.
15 Lama invâk ta phothai chu,
Ko khêkin a lo zăwr hlak.
16 Ningkhong hre lohai kuomah,
“Mi mawlhai po hi hin hung ro.
17 Tui inrŭk chu a thlum bîk a,
Bei inrŭk khom a’n hnik bîk bok”
Tiin a lo hŭi tawl hlak.
18 Sienkhom a pantuhai chu,
Seol khurpuia tla ta sa,
Mithi ruol um khawm an nih,
Ti an inhriet tawl dèr si nawh.