Thrangpui hnǐna
Davida hla var.
Pûka a um laia mi.
Inpakna hla.
142
1 LALPA ka ko, inring takin,Rawl tawp suoin, LALPA kuomah,
A zangaina chu ka hni a.
2 Ka nuorna a hmaah ka’n tlun,
Ka buoina khom ka’n tlun bok a.
3 Ka thlarau a hung ngui pha khom,
Nangin ka um dan ding i hriet.
Ka lampui hraw dinga hai chun,
Hmêlmahan châng an kam rŭk a.
4 Ka chang tieng ka hei ngha vêl a,a
Mi ngaisaktu hrim an um nawh.
Bĕl ding tu khom ka hmu naw a,
Mi ngaiven tu khom an um nawh.
5 “Nang chauh hi i nih ka’n bǐkna,
Hring khawvela ka chanpuol chu”
Tiin aw LALPA ka ko che.
6 Ka kona rawl lo ngaithla la,
Thrangpui ka ngai takmeu a nih.
Mi hnot thlûrtuhai laka chun,
Nangman mi hung san suok ngei rawh,
Keima nêkin an hrât si a.
7 I hming ka chawimawi theina di’n,
Tăng in a’nthok mi thruoi suok la,
Ka chungah i thrat êm leiin,
Mi felhan mi ngir huol an tih.