Zantieng trongtraina
Davida inpakna hla
141
1 Aw LALPA, ka ko che hi,Ka kuom tieng hung inhmàw la,
Ka kona rawl ngaithla rawh.
2 I hmaah ka trongtraina,
Rimtui inhnik chang sien la,
Ka kut phar hi zantienga
Thilhlân angin lo pom rawh.
3 Aw LALPA, ka bău vêng la,
Ka hmŭr inkhap khom vêng rawh.
4 Ka lungril hin suolna tieng,
Awn lo dingin vêng tlat la;
Mi suolhai lai inzêl a,
Suol thaw dingin phal naw la;
Mi suolhai ruoi threnaah,
Ka kǐl ve phal bok naw rawh.
5 Mi fel le mi indik chun,
Vawin mi thunun raw se;
Mi rilo ruok chun hriek khom,
An mi năl ka nuom dĕr nawh,
An thil thawhai chu do a,
Trongtrai zingtu ka ni si.
6 Rawlah an rorĕltuhai,
Nam thlâka an um pha chun,
LALPA thu lo indikzie,
Mi rilohan hrieng an tih.
7 Leilettun lei an let a,
Pil a hrut dar phung ang hin,
An rŭhai thlăn kotlângah,
La’n chek dar nuoi vĕng a tih.a
8 Aw ka LALPA le Pathien,
Nang chauh ka en zing che a,
Nangma ka hung bĕl che a,
Saruokin mi maksan naw.
9 Ka awkna dinga an kam,
Mi suolhai chăng a’nthok chun,
Nangin mi hung vêng him rawh.
10 Keiin ka pumpel laiin,
Mi suolhai chu an chăngah,
Inawk vong lem raw hai se.