Israel sal tănghai trap hla
137
1 Babulon va kamah hai,Chu chun inthrungin kan trap,
Zion kan dawn kir changin.
2 Phahrâm zâr thing lĕra hai,
Kan tringtrang bing ang kan khăi.
3 Sala mi mantuhai chun,
“In Zion hla pakhat bêk,
Mi sakpêk ro” ti’n an ngên;
Mi nêksăwrtuhan hlim zai,
Vâwr dingin an mi phût bok.
4 Ieng tin am sîngkhuol ramah,
LALPA hla sak lul kan ta?
5 Aw Salem, ka nghil che chun,
Ka kut chang hin a thil thiem,
Arêngin theinghil raw se,
6 Ka lo theinghil pal che a,
Jerusalem sînga hlut,
Thil dang ka nei ngai hrim chun,
Ka lei ka dangah kop sien.a
7 Jerusalem siet ni a,
“Sukchim ro, sukchim vong ro,
A lungphŭm chen sukchim ro”
Tia Edomhai khĕk kha,
Theinghil ngai naw rawh, LALPA.
8 Siet hmasuon zing, Babulon,
Ka chunga i thaw anga,
Rŭltu che chu a hlim awm!
9 I nautehai lăkpêk a,
Lung vuoknaa hmangtu chu,
A va hlim nasa awm de!