Lawmthu hrilna hla
136
1 LALPA a thrat êm leiin,A kuomah lawmthu hril ro.
Ngil a nei kumkhuo si a.
2 Pathienhai pathien a nih,
A kuomah lawmthu hril ro.
Ngil a nei kumkhuo si a.
3 Lal po pohai Lal a nih,
A kuomah lawmthu hril ro,
Ngil a nei kumkhuo si a.
4 Thil mak thawtu um sun chun,
Ngil a nei kumkhuo si a.
5 Varnaa vàn siemtu chun,
Ngil a nei kumkhuo si a.
6 Tui chunga hnuoi phătu chun,
Ngil a nei kumkhuo si a.
7 Var ropui tak siemtu chun,
Ngil a nei kumkhuo si a.
8 Sŭn lala ni siemtu chun,
Ngil a nei kumkhuo si a.
9 Chung sorthla le si-ar hai,
Zàn êngtua siemtu chun,
Ngil a nei kumkhuo si a.
10 Aigupta nau lutirhai,
An rènga sukhlumtu chun,
Ngil a nei kumkhuo si a.
11 Anni kuta inthoka
Israel thruoisuoktu chun,
Ngil a nei kumkhuo si a.
12 Kut hrât phara humtu chun,
Ngil a nei kumkhuo si a.
13 Tuipui Sen vaw tantu chun,
Ngil a nei kumkhuo si a.
14 Chu tuipuia inthoka
Israel thruoikaitu chun,
Ngil a nei kumkhuo si a.
15 Faraw le a sipaihai,
Tuipui inlemtirtu chun,
Ngil a nei kumkhuo si a.
16 Thlalĕr ramhai fe thleng a,
A mihai thruoisuoktu chun,
Ngil a nei kumkhuo si a.
17 Lal lienhai tukdoltu chun,
Ngil a nei kumkhuo si a.
18 Lal hrât tam tak thattu chun,
Ngil a nei kumkhuo si a.
19 Amor lal Sihon thattu’n,
Ngil a nei kumkhuo si a.
20 Basanhai lal Og thattu’n,
Ngil a nei kumkhuo si a.
21 An ram inrochungtirtu’n,
Ngil a nei kumkhuo si a.
22 A siehlaw Israel kuoma,
Chuong ang rochan petu chun,
Ngil a nei kumkhuo si a.
23 Ei ngirhmun a siet laia,
Mi theinghil ngai nawtu chun,
Ngil a nei kumkhuo si a.
24 Hmêlma laka mi humtu’n,
Ngil a nei kumkhuo si a.
25 Hring tin făk ding petu chun,
Ngil a nei kumkhuo si a.
26 Chung thangvàna Pathien chu,
A kuomah lawmthu hril ro,
Ngil a nei kumkhuo si a.