LALPA inpaknaa
111
1 Haleluia,Mi ngîlhai inkhawmnaah,
Mipui pungkhawmna hmunah,
LALPA chu ka theitawpin,
Inpâkin chawimawi ka tih.
2 LALPA thilthaw ropuizie,
Ama lawmtu taphot chun,
Ngaituon an sui chîk rop hlak.
3 A thilthawhai a ropui,
A mawiin inzà a um,
A felnan chatuon a dai.
4 Thilmak a thaw nasan khom,
Ei hriet a dit lei a nih.
LALPA chu mi tlâi a na,
Lungsietnaa sip a nih.
5 Ama trituhai kuomah,
Fak ding iengkim a pêk a,
A thuthlung kumkhuon a hriet.
6 A thilthawtheiziehai chu,
A mihai a’n entir a,
Hnam dang ram a’n rochungtir.
7 A thilthawhai hrim hrim chu,
A ringumin a’n dik a,
A thupêk ring tlâk a nih.
8 Kumkhawtluongin a nghet a,
Ringumna le indikna,
Hmanga pĕk an ni si a.
9 A mihai a hung intlan,
Kumkhuoin thu a thlung nghet;
A hming thienghlim a râpum.
10 Varna po po bulb tak chu,
LALPA trǐna hi a nih;
A thu zawmtu taphot chu,
Hriet thiemna thra a pêk hlak.
Chawimawina chu kumkhuoin,
Ama ta a ni si a.