LALPA le a lal thlang
Davida inpăkna hla
110
1 LALPA chun ka Lalpa kuomah,“Ka chang tieng hin hung inthrung rawh,
Ke sirsana i hmêlmahai,
Ka siem hmâkhat chun” tin a hril.
2 LALPAN i lal hmol ropui chu,
Zion a’nthok tir suok a ta,
I hmêlma zîng khup hai lai chun,
Nang ngeiin ro hung rêl i tih.
3 I hmêlmahai chu bei dinga,
I tlâng thienghlim i pan ni chun,
Tlawmngaiin i tlangvalhai chu,
Hung inpe khawm truk truk an ta,
Zîng daidaw tla khawm ang elin,
Thralaihai hung fuon khawm an tih.a
4 “Melkisedek nina anga,
Chatuon Thiempu chu nang i nih”
Tiin LALPAN thu a tiem a,
A thutiem chu sût ngai naw nih.
5 I chang tieng LALPA a um a,
A lungsen ni a tlung pha chun,
Lalhai hung nuoi hawp vong a tih.
6 Hnamhai chungthu hung rêl a ta,
An ruonghai chu dêng bûm a ta,
Hnuoi chunga lalhai po po chu,
Hnein hung intlawm vong a tih.
7 Lam sǐra fieratui luong chu,
Dawnin hung har thar nawk a tih.