Siemtu inpakna hla
104
1 Aw ka thlä, LALPA inpâk rawh.LALPA Pathien, i ropui ngei!
Ropui takin lal thuom i’n bel.
2 Var chu silfenin i hmang a,
Văn khom puon angin i zăr a.
3 A chung sanga tlungpŭmhai chu,
Chung tieng tuipuiaha i kham a,
Tawlailirin sûm i hmang a,
Thli thla zar chungah i chuong a,
4 Thli hi i tir palai an na,
Văn meichok i siehlaw an nih.
5 Che lo dingin hnuoi i’n nghat a,
6 Puon angin liin i’n khum a,
Tlâng sîp khom tuiin a chîm vong.
7 I zuk hal chun a tlânsie,
I rawl hrein a tlân hmang a;
8 Tlânga hai chun a luong liem a,
A umna ding ngeia i ruot,
Ruomah a luong lût hum hum a.
9 Hnuoi a chǐm pil nawk nawna di’n,
An ramri ding i khangpek a.
10 Tuihnăr le vadung i siem a,
Tlâng kârah an luong dem dem a.
11 Ramsa tinrêngin an tlân a;
Ram sabengtungin an dawn a.
12 A kama chun chungleng vahai,
Riebûk remin an khawsa a,
Thing zăra chun zai an văwr a.
13 I chĕngna văn sang a’nthokin,
Tlângah khuongruo i’n surtir a,
Malsawmnan hnuoi hi i vûr a,
14 Ran pet ding hlo i’n thrangtir a,
Mihriem chîng di’n thlai a tro a,
Hnuoiin fak ding i’n suotir a:
15 Lung suklawmtu uoiin an thar,
Hmai nàmna dingin hriek an thar,
An tlăn khop bu le bâl an thar.
16 Lebanon tlanga sidar thing,
LALPA thing phunhai chun chawmtu,
Tui dittawkin an dong zing a.
17 A bukah vaten bû an sep,
Tuivaarngohai ta dingin,
A zâr chu an riebŭk a nih.
18 Tlâng sâng chu sakĕlhai chĕngna,
Lung kaw kăr chu sangawib ta din,
Inbikrŭkna hmun a ni si.
19 Thla chu hun bi hriltu a na,
Ni khom a hunah a tla hlak.
20 Khuo a’n thim a, zăn a hung na,
Ramsa tinrêng an hung suok a,
21 Sakeibaknei vanglaihai chu,
Sa se ding zonga inrûmin,
Pathien kuomah fak ding an ngĕn.
22 Ni a suok pha inbi hmangin,
An pŭkah an inrel hmang a.
23 Sin thaw din mihriem an hung suok,
Zan tieng chenin sin an thaw hlak.
24 LALPA, varnaa i’n din suok,
I kutsuok an va hang tam ngei!
I thilsiemhan leilung an dăp.
25 Tuifinriet saw, an cham duoi el!
Thilhring tiem seng lo an chĕng a,
Chikté tè dam, lien tak tak dam.
26 Long an insŭlpêl zut zut a,
I thilsiem leviathanc ngei khom,
A’n lêng ve zuoi zuoi el a nih.
27 An rêng elin a hun taka,
Bu i pĕk ding chu an nghăk a.
28 I pêk pĕkhai an lak khawm a,
I kut a’nthok thil thra tinrêng,
Khop le tlai takin an dong hlak.
29 I hmêl i thup hmang pha ruok chu,
Thlaphângin an chi-ăi hlak a,
An thuok i suktawp phá phà leh,
Famin vutpilah an kir hlak.
30 I Thlarau i hung tir pha leh,
Siemin an hung um nawk hlak a,
Hnuoi hmĕlhmang khom i tuoi thar hlak
31 Chatuonin LALPA ropui sien,
A thilsiemah hlim bok raw se.
32 Hnuoi a mel chun a’n thin hlak a,
Tlâng a tâwk leh a kăng hmang hlak.
33 LALPA kuomah zai hla remin,
Ka dam sŭngin chawimawi ka ta;
Ka Pathien chu zaia chawiin,
Ka dam sungin inpâk ka tih.
34 Ka dawnkhawl hi a lawm chang sien,
LALPA-a chun ka lawm si a.
35 Mi suolhai chu hnuoi a’nthokin,
Lem hmangin um vong hai sien la,
Mi rilohai ram vong raw se!
Aw ka thla, LALPA inpâk la,
LALPA chawimawiin inpâk rawh.