Inpâkna hla
Lawmthu hrilna hla
100
1 Hnuoi hmun tinah, inring takin,LALPA kuomah lawm hla rem ro.
2 Lawmin LALPA chawibiek unla,
Zai vâwrin a hmaah hung ro.
3 LALPA hi Pathien a nizie,
A siem le a tâ ei nizie,
A rama tlâ, a beram ruol,
Ei ni ngeizie hi hre fie ro.
4 Lawmthu hrila a kot lûtin,
A tuolzawla chun hung unla,
A kuoma chun lawmthu hrilin,
A hming inpâkin chawimawi ro.
5 LALPA chu a va thra de aw!
A hmangaina chuoi ngai lo chu,
Kumkhuoin a pangngai zing a,
A ringumnan suon tin a dai.