Laltak Pathien
99
1 LALPA chun ro a rêl ie,Hnam tin inthin raw hai se;
Cherubim kărah a thrung,a
Leihnuoi khom inhnîng raw se.
2 Zion-ah LALPA a ropui,
Hnam tin chungah an chawimawi.
3 A hming ropui le râpum,
Chawimawiin inpâk raw se.
Mi Thienghlim a ni si a.
4 Aw Lal Ropui le Indik,
Iengkim chokruoltu i nih;
Jakob sungkuohai chungah,
Indik taka ro rêlin,
I felzie i’n langtir tah.
5 LALPA Pathien chawimawiin,
A ke bulah chawibiek ro!
Mi Thienghlim a ni si a.
6 Mosie le Aron hai chu,
A thiempuhai an ni a;
A hming lamtuhai lai chun,
A thrang ve Samuel khom;
LALPA hming chu an lam a,
Aman a lo don pei hlak.
7 Sûm ngǐr a’nthok a biek a,
A thusuok le thupêkhai,
Anni chun an vong thra hlak.
8 Aw LALPA le kan Pathien,
Anni chu i don hlak a;
An thilsuol thawhai laka,
Phuba latu ni lâ khom,
Israelhai ta dingin,
Ngaidamtu Pathien i nih.
9 LALPA Pathien chawimawi ro,
A tlâng thienghlimah be ro,
Ei biek LALPA Pathien hi,
Mi Thienghlim a ni si a.