Khawvel roreltu Pathien
98
1 LALPA kuomah hla thar sak ro,Thil ropuihai a mi thawpek;
A kut chang tieng bân thienghlimin,
Sandamna a hung intlun a.
2 LALPAN hnam tinrênghai kuomah,
A sandamna an hriettir a,
A’n dikzie khom a puong lang bok.
3 Israel sungkuo ta dinga,
A hmangaina le ringumna,
A theinghil ngai hrim hrim naw a,
Hnuoi kil tawpa chênghai khomin,
Pathien sandamna chu an hmuh.
4 Leihnuoia chênghai po poin,
LALPA inpâka khêk suokin,
Rimawi remin lawm hla sak ro.
5 Tringtrang keia rimawi remin,
Zaiin LALPA chu inpâk ro.
6 Tawtawrawt le beram ki hai,
Mûtin Laltak LALPA hmaah,
Lawmna hla remin khêk suok ro.
7 Tuipui le a sunga chênghai,
Khek rihai chu thangkhawk sien la,
Khawvel le a sunga chênghan,
Chuong ang chun thaw ve raw hai se.
8 Vadungha’n kut ben hai sien la,
Tlângha’n lawmhla sak ruol raw se.
9 LALPA a hung, hnuoi ro rêl di’n,
A hmaah lawm hla rem raw se;
Khawvel chungah indik takin,
Ro a hung rĕl ding a ni si.