Pathien, rorêltu ropui tak
97
1 LALPA chun ro a rêl ie,Hnuoi hi lawmin hlim sien la,
Thlierkârhai khom hlim raw se.
2 Sûm le thim sa’n an huol vel,
A lalthrungpha lungphŭm chu,
Rorêlna indik a nih.
3 A hmaa meichok lawn chun,
A hmêlmahai a lem zo.
4 A kawlphe’n khawvel a ên,
Hnuoiin a hmuh, a’n thin hawp.
5 Tlânghai chu khuoihlu angin,
LALPA hmaah an zop thla,
Hnuoi hmun tin LALPA hmaah.
6 Vanha’n a felna an puong,
Khawvela hnam po poin,
A ropuizie chu an hmu.
7 Milim betu po po le,
Milim hmang lo suongtuhai,
Inzak takin a siem tawl.
Ama be ro, pathienhai!
8 Zion-in a hriet, a lawm,
Judai ram khaw tina hai,
I rorêlna thu hrein,
An hlim nasa ngei, LALPA!
9 LALPA, hnuoi chung po poah,
A Chunghnungtak nang i na,
Pathien danghai i khûm vong.
10 Suol theidatu taphot chu,
LALPA chun a lawm hlak a,a
A mi thienghlimhai vêngin,
Mi suol lakah a hum hlak.
11 Mi indikhai chunga chun,
Ni êng mawi a’n zâmtir a,
Lungrila mi ngîl ta di’n,
Lawmna êng a’n zâmtir hlak.
12 Aw, nangni mi indikhai,
LALPAA chun lawm unla,
A hming thienghlim inpak ro.