Laltak Pathien
93
1 Ropui taka incheiin,Hrătna thuoma inbelin,
LALPA chun ro a rĕl a,
Inhning thei dĕr lo dingin,
Khawvel hi a rem nghet a.
2 Tiena tlânga inthokin,
I lalthrungpha i’n din a,
Nang chu chatuon mi i nih.
3 Aw LALPA, tuifinriet chu,
Hung infawn ri hlup hlupin,
An inhlap thler puot puot a.
4 Tuifawn insawk rihai le
An inhlap dar ri nêkin,
Van sanga um LALPA chu,
A ropui lem dai si a.
5 Aw LALPA i thusuok chu,
Kumkhawtluongin a nghet a,
I chĕngna sukmawitu chu,
I thienghlimna hi a nih.