Inpakna hla
Sabat hla
92
1 LALPA inpâk hi a thra,Chunghnungtak hming chawimawi a,
Zai le rimawi rem dam hi.
2 Tûk tin a ngilneinahai,
Zăn tin a ringumziehai,
3 Tringtrang hrui sawm neihai le
Perkhuong rimawi hrang hranga,
Inpâk le puong an hoi ngei!
4 Aw LALPA, i thilthawin,
A mi sukhlim ĕm êm a,
I kutsuokhai ka hmuin,
Lawmin hlim zai ka văwr hlak.
5 I kutsuokhai aw LALPA,
An va ropui lawm lawm de!
I ngaituo a va’n thûk ngei!
6 Mi chutin an hriet phak nawh,
Invêtin an man phak nawh.
7 Mi suolhai chu hlo ang a,
Hung inthrang duong hlut hlutin,
Vul chuoiin par hlak sien khom,
Bohmang song ding an ni si.
8 Sienkhom, nang chu aw LALPA,
Kumkhuon chawi sang i ni zing.
9 I hmêlmahai chu LALPA,
Chieng takin bohmang an ta;
Thil suol thawtu po po khom,
Nangin sukdar vong i tih.
10 Tumpâng ki mawi ang elin,
Ka kî hi i cheimawi a,
Hriek thra i mi nâl bok a.
11 Ka hmêlmahai tlăwm lai khom,
Ka mitin a hmu zing a,
Mi beituhai siet thu khom,
Ka näin a lo hriet zing.
12 Mi thrahai chu tûm thing ang,
Hung inthrang hlut hlut an ta,
Lebanon tlanga sidar
Thing angin inthrang an tih.
13 LALPA ina phunhai chu,
A tuolah inzâr an ta,
Hung inno hlut hlut an tih.
14 An upa hlè hnung khomin,
Kûr thlek thlukin ràng an ta,
Hring inno nghuol zing an tih.
15 LALPA chu mi ngîl a na,
Ka’n bîkna Lungpui a na,
Amaah rîtlona hrim,
A um ngai nawh ti thu hi,
Puongin hril dar hlak an tih.