Jerusalem inpakna hla
Kora le a pawlhai inpakna hla.
87
1 Ama tlâng thienghlim ngeia chun,LALPAN a khawpui a’n din a,
2 Jakob thlahai khuo po nêkin,
LALPAN Zion a ngaina lem.
3 Pathien khawpui, i chanchin hi,
An va hang hril ropui ngei de!
4 “Ziona pieng ngei a ni hi”
Tia hril ka hriethai lai chun,
Aiguptaa le Babulon hai,
Filistin hai le Tura hai,
Ethiopia hai khom an thrang sa.
5 Zion chungthuah mihaiin,
“Hi khom, kha khom kha a pieng a”,
Tiin la hung hril vel an ta;
Chunghnungtakin namnghet a ta,
6 LALPAN hming ziekna bu ngeiah,
“Hi taka pieng” tin ziek a tih.
7 Hla phuoktuhai le lâm mihan,
“Iengkim hnăr chu Zion a nih”
Tia sakin la lâm an tih.