Thrangpui hnǐna
Davida trongtraina
86
1 Aw LALPA, i nä lo dàw la,Ka kona che mi hung don rawh,
Retheiin ka’n vai a ni hih!
2 I ta dingin ka hung inpèk,
Ka hringna mi vêng himpèk rawh.
Nangma ringtu, i siehlaw hi,
Nangin mi hung san him ngei rawh,
Nang ka Pathien i ni si a.
3 Aw LALPA, mi lunginsiet rawh,
Sŭnnithlakin ka ko che hi.
4 I siehlaw hi mi sukhlim la,
LALPA i kuom tieng ka hung ngha.
5 LALPA, i va thra ngei de aw,
Ngaidam dingin i’n pei zing a,
Nangma lamtu taphot chungah,
I hmangaina a chuoi ngai nawh.
6 LALPA, ka trongtrai ngaithla la,
Zàngàina ka hnǐna rawl hi,
Mi lo ngaithlapêk hrăm rawh khai.
7 Beidonga ka ko chàng che-in,
Nangin i mi don hlak si a.
8 Aw LALPA, pathienhai lai hin,
Nang ang tu khom an um dĕr nawh;
I thaw ang thaw thei an um nawh.
9 I siem hnam tinrênga mihai,
I hmaah kûnin aw LALPA,
Hung chawibiek ngei an ti che a,
I hming hung sukropui an tih.
10 Nang chu i ropui takzet a,
Thil mak tam tak i thaw hlak a,
Nangma chauh hi Pathien i nih.
11 LALPA, i dàn mi’n chŭktir la,
I thutakah kal chawi ka tih;
I hming ka tri zing theina di’n,
Lungril phîr mi’n puttir naw rawh.
12 Ka lungril po poin LALPA,
Inpâk ka che, aw ka Pathien,
I hming chawimawi kumkhuong ka tih.
13 I mi hmangaina a’n thûk a,
Seola liem thla el ding kha,
Nangin ka thlä i san suok tah.
14 Aw Pathien, mi uongthuonghai le
Nangma poisa lo nunrawnghan,
Beiin mi that an tum a nih.
15 Sienkhom LALPA, nangma ruok chu,
Mi ngilnei le hmêl tlâi êm èm,
Lung in-uoi le hmangaina hau,
Pathien ringum tak el i nih.
16 Zàngâiin ka tieng hung ngha la,
I siehlaw hi hung sukhrât la,
I siehlawnu nau hi hum rawh.
17 Ka hmêlmahai hmu hoia ngei,
Ka chunga hin thrat insuo la,
Inzakin an hmai thûm raw se.
LALPA nang chu mi thrangpui a,
Mi thlamuongtu i ni si a.