Hmêlmahai tlawmna dinga hnǐna
Asaf zai. Inpakna hla.
83
1 Aw Pathien, to zing naw la,Aw Pathien, rè trok trok naw.
2 I hmêlmahai inhrosain,
An lu an lei but but el hi!
3 I mihai chu vervêk taka,
An bei dan ding an phan rŭk a;
I ditsakhai chu an phierrŭk.
4 “Hung ro, an hnam nuoi bo ei tiu,
Israel hnam bo song raw se”
Tiin an inhawr khawm a nih.
5 Thrangruolin thu an phierrûk a,
Do ding che’n an inthukop a-
6 Edom mihai, Ismail thla hai,
Moab mihai, Hagar thlahai.
7 Gebal, Amon, Amalek hai,
Filistin le Tura mihai,
8 Lota thlahai chu san dinga
Hung inthok Asuria mihai.
9 Midian mihai i thaw ang khan,
Anni khom hi hung thaw ve rawh,
Kison varuoma Sisera
Le Jabin hai i thaw ang khan,
10 Endor khuoa i sukhlumhai,
An ruong chu hmunhnok ang ela,
Hnuoia peihawn a ni ang khan.
11 Oreb le Zeeba hai angin,
An mi lienhai chu hung siem la,
Zeba le Zalmon hai angin,
An lalhai chu hung siem bok rawh.
12 “Pathien ram dit lai ngei el chu,
Hluo suokpêk ei tiu” an ti si.
13 Aw ka Pathien, anni rawi chu,
Kokbong angin hung lèn hmang la,
Bu si inlêng ang chang raw se.
14 Meiin rampui a lem angin,
Mei chokin tlâng a kàng angin,
15 Thlisiein inhnottir tawl la,
Thlipuiin nuoi hrep tawl raw se.
16 An hmài inzaknan inkhum la,
LALPA, i hming lam ta’ng an tih.
17 Inzakin muolpho rop hai sien,
Hming se nengin bohmang raw se.
18 I hming JEHOVAH hi zong sien,
Nang chauh hi khawvel pumpui a,
A Chunghnungtak i nizie hi,
Hung hre ve tawl ta raw hai se.