Roreltu chunghnungtak
Asaf hla
82
1 Pathien chu pungkhawm ropui lai,Rorêlna inpuiah thrungin,
Pathienhaia chungah ro a rêl:
2 “Indik naw taka ro rêlin,
Ieng chen hiel am mi suolhai chu,
In ditsak zui pei ding a na?
3 “Fahra retheihai san unla,
Mi pasiehai le nêkchĕphai,
Chanvo chu humpek tlat hlak ro.
4 Chău le tlasamhai san unla,
Mi rilohai lakah hum ro”.
5 “Hrietna ieng khom an nei naw a,
Hrietthiemna khom an nei bok nawh.
Thimtham hnuoiah an inmai a,
Khawvel innghatna lungphŭmhai,
An hnǐng dur dur el a ni hi.
6 “Chuongchun hieng hin ka hril tawl a:
‘Nangni hi pathienhai in na,
Chunghnungtak nauhai chu in nih.
7 Sienkhom mihriem dang ang bokin,
Nangni khom la thi ve’ng in ta,
Lalhai angin tlawm veng in tih’”.
8 Aw Pathien, nang hung tho suok la,
Hnuoi chunga hin ro hung rêl rawh,
Hnam po po i ta an ni si.