Kût nia hla
Asaf inpakna hla.
Grep Sawr’thlûka sak ding
81
1 Mi sukhrâttu ei Pathien chu,Hlima inpâkin hla sak ro.
Jakob Pathien chu inpâkin,
Inring takin zaihla rem ro.
2 Inpâkna hla hung la unla,
Darbenthek le khuongte benin,
Perkhuong tringtrang rimawi rem ro.
3 Thla thar dêt pha a lawmnain,
Beram ki mût ri hlak unla,
A arkai zan, Kût vanglaiin,
A lawmnan mût ring bok hlak ro,
4 Israelhai thaw hlak dinga,
Jakob Pathien thupêk a nih.
5 Aigupta ram a fang vel lai,
Ei hriet ngai dêr lo rawl hmang a,
Josefa thlahai zawm dinga,
A thupêk chu a ni si a:
6 “In rikphurhai ka lâk hmang a,
In leikhawr dom ka pei bok a.
7 Lungzîngin in mi hung ko a,
Keiin ka lo san suok cheu a,
Ka hung don cheu, ka’n bǐkna hmun,
Vaninrûm kăra inthok chun;
Meriba tuiah ka fie cheu.
8 “Aw ka mihai, ka thu ngai ro
Ka zil mol mol cheu a ni hi,
Aw Israel, ngai la ka ti ngei!
9 Ram dang pathien be naw unla,
Hnam dang pathien hmaah hrim hrim,
Iengtik lai khom kûn ngai naw ro.
10 Aigupta a’nthok thruoisuoktu,
LALPA in Pathien chu ka na,
In bâu ka ro, chawm ka ti cheu.
11 “Sienkhom ka mihai chun ka rawl,
An ngaithlak nuom ta si naw a;
Israel chu ka hmaa hin,
A hung tlu lŭt nuom ta dĕr nawh.
12 An lulul nasa ĕm leiin,
An thu’n ka’n tlattir tah a nih.
13 “Ka mihaiin ka thu ngaiin,
Israelhan ka lampui hi,
Hung hraw nawk chu ni hai sien la,
14 An dohai chungah kut rolin,
Ka hnèpêk nghal ding a ni bah!
15 LALPA theidatu hrim hrim chu,
A hmaah tri’n inkon an ta,
Chatuonin hremna tuok an tih.
16 Nangni ruok chu, bu lai poa
Bu thra tak le lungpui khuoizu’n,
Hung chawmin hrai tlai ka ti cheu”.