Hnètu Pathien
Asaf zai. Inpakna hla.
Tringtrang le rem ding
76
1 Judai ramin Pathien an hriet,Israel ramah a hming a’n thang.
2 A puon in Salemah a um,
A chĕngna chu Zion a nih.
3 Chutaka chun hmêlma thalhlawn,
An phawsiel le an kawlhnâmhai,
An ralthuom a suksietpek vong.
4 I ropuiin i êng phŭt el!
I râl thatna tlang a’nthoka,
I hung kir ni khan i ropui!a
5 An pasalthra, mi roktuhai,
Saruokin an inthal phung a,
An ràl do thiemhai tu el khom,
Kut lek thei hrim an um ta nawh.
6 Jakob Pathien, i hal meu chun,
Sakor le a chunga chuonghai,
An che chàng thei hrim hrim si nawh.
7 A nih, i râpum hrim a nih,
I lungsen pha i hma bulah,
Tu am ngîr ngam ding um an ta?
8 Van a’nthoka thu i puong khan,
Hnuoi chu triin a to trok a-
9 Hnuoia sirdĕhai san dinga,
Rorêl dinga i’n thok ni khan.
10 I lungsen a sosâng po leh,
Nangma inpâkna zuol a ta;
I lungsen tuor muolsuohai chun,
Nang bĕlin inpâk an ti che.b
11 LALPA in Pathien kuoma chun,
Thuhai tiemin hlen ngei unla;
In kawl vêla chêng po pohan,
Tridingpa kuoma chun hungin,
Thilpêk hung inhlăn raw hai se.
12 Ama chun lalhai lungril khom,
A sukdul thei vong tlat leiin,
Khawvel lalhan an tri a nih.