Pathien chu rorêltu a nih
Asaf hla. ‘Sukbohmang naw”
ti thlûka sak ding
75
1 LALPA, lawmthu kan hril che,I hming hi a’n ri zing a,
Chuleiin lawmthu kan hril;
I thilthaw ropuizie hi,
Mihaiin an hril luoi luoi.
2 Nang chun hieng hin i hril a:
“A hun ding ka ruota chun,
Indik takin rêl ka ta,
3 Hnuoi le a sunga chênghai,
Insawiin inhning sienkhom,
A’n nghatna ban phuntu le
Chel nghettu chu kei ka nih.
4 Chapohai, insuong naw’n la,
Mi suolhai, lu ling naw ro,
5 In ki’n van lei khum naw’n la,
Rîng sukfânin trong naw ro”.
6 Sak tieng, thlang tieng amanih,
Thlalèr a’nthok amanih,
Chawisangna hi a hung nawh.
7 Rorêltu Pathien a na,
A nuom nuom a suktlawm a,
A nuom nuom a chawisang hlak.
8 LALPA lungsenna no a,
Uoiin chi tin chokpol chu,
Phul bût bûtin a um a;
Chu chu la bun thla’ng a ta,
Hnuoia mi rilohaiin,
A hlek chen liek kăwng an tih.
9 Kei ruok chun Jakob Pathien,
Kumkhuoin inpâk ka tih.
10 Mi suol ki chu tan a ta,
Mi fel ki chawisâng a tih.