Hnam san dinga hnǐna
Asaf inpakna hla.
74
1 Aw Pathien, iengtizie a,I mi’n kiengsan daih a na?
I beramhai laka hin,
I lung an ling zing ding maw?
2 Tiena tlanga inthoka,
I mi ni dinga i’n chawk,
I rochan, i’n tlan hnam hi,
I chĕngna Zion tlang leh,
Nghil loin hung hre zing rawh.
3 Siet rŭnpui a tlungna tieng,
Kîrin hung sir nawk hràm la,
Hmêlmahan i hmun thienghlim,
Iengkim an suksiet zo tah!
4 I hmun thienghlim sŭnga khan,
Doral haw haw dur durin,
An puonzar a’n târ fek fuk.
5 Ramngaw vât ding ang elin,
Hreipui an inlet fer fur.
6 A cheina thing ker mawihai,
Hreiin an tuk siet mur mur.
7 I hmun thienghlim an raw ram,
I chĕngna an sukporchè.
8 “Hnè chimit ei tiu” an ta,
Kan rama Pathien biekna
Hmun taphot an raw ram pei.
9 Inchikna mak a’n lang nawh,a
Zawlnei an um ta bok nawh;
Hienga kan um chen ding hi,
Tu khom a hrie kan um nawh.
10 Aw Pathien, hmêlma dêusaw’n,
Ieng chen am i um ding chu?
I hming an dêu song ding maw?
11 Ieng dinga i kut kei a,
I kut i hma sui zing am?
Phar la, sukbohmang tawl rawh.
12 Aw Pathien, tien a’nthokin,
Nangma chauh ka Lal i na,
Hnuoi sandamtu chu i nih.
13 I thilthawtheina hmangin,
Tuipui khom i vuok tan a,
Rûlpui lu i vuok hawp a;
14 Leviathanb lu vaw koiin,
Thlalera chenghaic fak din,
A sa khom i pek tawl kha.
15 Tui hnărhai i sun suok a,
Vadungtehai i siem a,
Tui luong kum hlun i khâr bok.
16 Sŭn le zăn i ta a na,
Ëntu ni le thla i siem.
17 Hnuoiah ramri i kham a,
Nipui le thlasik i ruot.
18 Aw LALPA, hmêlmahaiin,
An deusaw danhai che le,
Mi intlaw ruolin i hming,
An hril siet nasat dan hi,
Theinghil ngai hrim hrim naw rawh.
19 Sakolhai kut nŭlna di’n,
I vathrud pe suok naw la,
I mi, retheihai chan hi,
Innghil songpek naw hràm rawh.
20 I thuthlung kha hre zing rawh,
Hmun inthimna kil tinah,
Nunrawngna a hrâng vêl a,
21 Neksawrna tuortuhai hi,
Muolphoin kîr naw hai sien,
Pasehai le tlasamhan,
I hming inpâk raw hai se.
22 Aw Pathien, hung inthok la,
I nina hung suklang rawh.
Mi intlawhan sunnithlák,
An dêusaw che hre zing rawh.
23 Hmelma rihâu chu ngai ta,
An zuol tul tul a ni chu.