Vĕng him hnǐna
Davida inpakna hla
64
1 Aw Pathien, mi ngaithla rawh,Nuor thusim ka hung inzawt.
Hmêlma trìbaium lakah,
Ka hringna mi humpêk rawh.
2 Phierrutu mi rilohai,
Thil thra naw thaw tumtuhai,
Mi suol pungkhawmhai lakah,
Nangman humin mi thup rawh.
3 An lei chem anga ngei chun,
Trong kha tak an hlap suok a,
Thal tin anga mi tinin,
4 Poi tawk lo kap hlum tumin,
A rûkin an inchân a;
An kâp thut, kut an kei nawh.
5 Suol thaw an tum ngar ngar a,
Châng kam rŭk an rêl zing a,
“Tu nam a hmu ding?” an tih.
6 Thil thra lo an phan zing a,
“Tu hriet suok ruol lo thaw dan,
Thra tak kan hmu suok” an tih.
Mihriem ngaituona rŭk hi,
A lo va vervek ngei de!
7 Pathien chun a thal ngeiin,
Anni chu kâp thlung a ta,
Thawk-le-khatin sieng an ta,
8 An băua thu suok ngei chun,
Anni chu hung dêng kîrin,
Sietna hung intlun a ta,
A hmu photin lu thinin,
Anni chu diriem an tih.
9 Mi tinrêng thlabâr an ta,
Pathien thilthaw chu puongin,
A thilthaw ngaituong an tih.
10 LALPA-ah mi fel hlim sien,
Inhumhimnan hmang sien la,
Lungrila mi ngîlhai chun,
Ama chu chawimawi raw se.