Pathien ngaina
Davida hla.
Judai thlalera a um laia mi.
63
1 Aw Pathien, ka Pathien i na,Nangma ka zong ngar ngar che a,
Ram trawl, ram sie, tui văngnaah,
Ka thlarau hi nangma ngaiin,
A dang a châr takmeuh si a;
Ka taksan a ngai che a nih.
2 I hmun thienghlimah ka hung a,
I hràtzie le i ropuizie,
Ka hung thlìr vong vong a nih.
3 I hmangaina chuoi ngai lo chu,
Hringna nêka ka hlut leiin,
Ka hmŭrin chawimawi ka ti che.
4 Ka dam sŭngin chawnban vâwrin,
I hming hi inpâk pei ka tih.
5 Bu hnienghnar tak tlàn ang elin,
Ka thlarau hi a tlai hle a,
Ka hmŭr khom lawm hlaa sipin,
Ka băuin ka’n pâk che a nih.
6 Khum laizawlah ka nghil naw che,
Zankhuon i thu ka dawnkhawl hlak.
7 Mi thrangpuitu chu nang i na,
I thla hnuoiah hlim zai ka vawr.
8 Ka thlâin a’n tûl zing che a,
I kut chang tiengin i mi kuo.
9 Ka hringna la tumtuhai chu,
Khuorkhurûmah la tlâng an ta,
10 Kawlhnâma sàt hlum ni’ng an ta,
Sihalin an sa tlăn an tih.
11 Lal chu Pathienah hlim a ta,
Pathien hming lamtuhai poin,
Ama chu la chawimawi an ta,
Mi khêlhliphai bâu ruok hi chu,
Khârpêkin la um ngei a tih.